Хитай уйғур елидики тоқумичилиқ вә кийим-кечәк карханилирини алаһидә баһалиқ ток билән тәминләшкә башлиған

Мухбиримиз әркин
2021-04-12
Share

Хитай даирилириниң уйғур елидики мәҗбурий әмгәк түпәйли хәлқаралиқ байқутқа дуч кәлгән тоқумичилиқ вә кийим-кечәк карханилирини әрзан баһалиқ ток билән тәминләватқанлиқи мәлум болди. Көзәткүчиләр, алаһидә әрзан баһалиқ ток билән тәминләш сиясити хитайниң қийин әһвалда қалған райондики тоқумичилиқ вә кийим-кечәк карханилирини қутқузуш үчүн қолланған тәдбири икәнликини билдүрмәктә.

"ақсу гезити" ниң хәвәр қилишичә, бу йил 3-айниң ахирлириғичә мәзкур вилайәттики 227 тоқумичилиқ вә кийим-кечәк карханиси бу хил ‹алаһидә баһалиқ' ток сияситидин бәһримән болған. Хитай уйғурларға "ирқий қирғинчилиқ" қилиш, милйонлиған уйғурни мәҗбурий әмгәккә селиш билән әйибләнгәндин буян, хитайниң райондики уйғур әмгәк күчлири нуқтилиқ мәркәзләшкән тоқумичилиқ вә кийим-кечәк карханилири байқут қилишқа учриған. Нурғун хәлқара ширкәтләр "шинҗаң пахтиси" ни ишлитишни рәт қилғаниди.

"ақсу гезити" ниң хәвиридә ейтилишичә, даириләр 2015-йили 1-айдин башлап мәзкур вилайәттики тоқумичилиқ вә кийим-кечәк карханилирини һәр киловат саити 0. 38 Йүәнлик ток билән тәминләп кәлгән болуп, хитайниң дөләт малийәси бу карханиларға һәр киловат саәт ток үчүн 0. 03 Йүәндин толуқлима бәрмәктикән. Хәвәрдә, ақсу вилайитидики тоқумичилиқ вә кийим-кечәк карханилириниң ток ишлитиш тәннәрхи 34 милйон йүән азайғанлиқини билдүргән. Мәлум болушичә, уйғур ели хитайда ток баһаси әң әрзан район һесаблинидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт