Xitay Uyghur élidiki toqumichiliq we kiyim-kéchek karxanilirini alahide bahaliq tok bilen teminleshke bashlighan

Muxbirimiz erkin
2021-04-12
Share

Xitay da'irilirining Uyghur élidiki mejburiy emgek tüpeyli xelq'araliq bayqutqa duch kelgen toqumichiliq we kiyim-kéchek karxanilirini erzan bahaliq tok bilen teminlewatqanliqi melum boldi. Közetküchiler, alahide erzan bahaliq tok bilen teminlesh siyasiti xitayning qiyin ehwalda qalghan rayondiki toqumichiliq we kiyim-kéchek karxanilirini qutquzush üchün qollan'ghan tedbiri ikenlikini bildürmekte.

"Aqsu géziti" ning xewer qilishiche, bu yil 3-ayning axirlirighiche mezkur wilayettiki 227 toqumichiliq we kiyim-kéchek karxanisi bu xil 'alahide bahaliq' tok siyasitidin behrimen bolghan. Xitay Uyghurlargha "Irqiy qirghinchiliq" qilish, milyonlighan Uyghurni mejburiy emgekke sélish bilen eyiblen'gendin buyan, xitayning rayondiki Uyghur emgek küchliri nuqtiliq merkezleshken toqumichiliq we kiyim-kéchek karxaniliri bayqut qilishqa uchrighan. Nurghun xelq'ara shirketler "Shinjang paxtisi" ni ishlitishni ret qilghanidi.

"Aqsu géziti" ning xewiride éytilishiche, da'iriler 2015-yili 1-aydin bashlap mezkur wilayettiki toqumichiliq we kiyim-kéchek karxanilirini her kilowat sa'iti 0. 38 Yüenlik tok bilen teminlep kelgen bolup, xitayning dölet maliyesi bu karxanilargha her kilowat sa'et tok üchün 0. 03 Yüendin toluqlima bermektiken. Xewerde, aqsu wilayitidiki toqumichiliq we kiyim-kéchek karxanilirining tok ishlitish tennerxi 34 milyon yüen azayghanliqini bildürgen. Melum bolushiche, Uyghur éli xitayda tok bahasi eng erzan rayon hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet