Uyghur aptonom rayonluq da'iriler köchme nopusni bashqurush tüzümini yenimu kücheytidighanliqini bildürgen

Muxbirimiz qutlan
2016-05-02
Share


Shinxu'a torining xewirige qarighanda, Uyghur aptonom rayonluq da'iriler 27 - aprél küni "Köchme nopusni bashqurushni mukemmelleshtürüp, qolayliq kartini ishletmeslik" témisidiki axbarat élan qilish yighini ötkuzgen.

Mezkur yighinda da'iriler Uyghur élidiki ahalilerning ikkinchi ewlad kimlikning iqtidarini köpeytkenlikini, turalghu kinishkisi tüzümini yenimu mukemmelleshtürgenlikini jakarlighan.

Yighinda Uyghur aptonom rayonluq partkomning mu'awin bash katipi wang mingshen muxbirlarning so'aligha jawab bérip mundaq dégen: "Qolayliq kartini ishletmigende köchme nopusni bashqurushni addiylashturghili, ammining seperge chiqishigha qolayliq yaratqili, tekshürüsh dawamida körülidighan ziddiyet we xata chüshenchilerdin saqlan'ghili bolidu."

Mezkur yighinda yene Uyghur aptonom rayonluq jama'et xewpsizliki nazaritining mu'awin naziri nyu zungyi mundaq dégen: "Qolayliq kartini ishletmigende shinjangdiki her derijilik jama'et xewpsizliki organlirining köchme nopusni bashqurush xizmitini qanun boyiche ishlishige kapaletlik qilghili, köchme nopustikilerning heqqaniy hoquq menpe'etige dexli - teruz qilidighan qanunsiz qilmishlarni tosughili shundaqla köchme nopusning bixeterlik tuyghusi we razimenlikini ashurghili bolidu."

Közetküchiler, da'irilerning Uyghur élida atalmish "Qolayliq karti" ni özliri yolgha qoyup, arqidin uni bikar qilishi hemde bu heqte mexsus muxbirlarni kütiwélish yighini uyushturushini, ularning atalmish "Qolayliq karti" ning "Qolaysizliqi" ni öz éghizi bilen étirap qilishidur, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet