Рик сикот: "кодак ширкитиниң коммунист хитайниң дәпсәндичиликлирини йошуруши номустур"

Мухбиримиз нуриман
2021-09-02
Share

"фокс сода" хәвәр ториниң 2-синтәбир хәвәр қилишичә, америка кеңәш палата әзаси рик скот: "кодак ширкитиниң уйғур районида тартилған сүрәтләргә язған изаһати үчүн хитайдин кәчүрүм сориғанлиқи вә сүрәтләрни өзиниң иҗтимаий таратқу бәтлиридин өчүрвәткәнлики, әмәлийәттә бейҗиңниң бастуруш сияситигә күч бәргәнликтур. Хитайға бойсунуш пәқәтла хитай компартийәсиниң бастурушлирини күчәйтишкә түрткә болиду. Бу район (уйғур райони) бейҗиң даирилири тәрипидин уйғур мусулманлириға йүргүзүливатқан ирқий қирғинчилиқ билән мунасивәтликтур."

Кодак ширкити өзиниң инистаграм сәһиписидә франсуз фотограф патрик вакниң уйғур районидин тартқан сүрәтлирини елан қилған иди. Бу фотограф уйғур районида тартилған бу сүрәтләргә язған изаһатида "бу районда кәң көләмдә халиғанчә тутуп туруш системиси қурулған, бу сүрәтләр шинҗаң райониниң бирдинла ‹орвелчә дистопийә' ичигә чүшүп қалғанлиқиниң пакити" дегән сөзләрни ишләткән. Униң бу изаһати дәрһал хитайдики тор кезәрлириниң наразилиқиға учриған. Хитай таратқулири вә тор кезәрлириниң наразилиқи нәтиҗисидә кодак ширкити уйғур районидин тартилған сүрәтләрни вә бу сүрәтләргә йезилған "орвелчә дистопийә" дегән изаһатларни өзиниң инстаграм бетидин өчүривәткән иди.

Рик скот 1-синтәбир өзиниң тиветтер һисабида кодак ширкитигә язған хетини һәмбәһирлигән. У йәнә мундақ дәп язған: "кодак ширкити коммунист хитайниң уйғур мусулманлириға қаритилған рәһимсиз кишилик һоқуқ дәпсәндичиликини йорутуп бәргән сүрәтләрни өзиниң иҗтимаий таратқу бетидә һәмбәһирлигән. Әмма кейинчә бу сүрәтләрни өчүривәткән вә хитайдин кәчүрүм сориған. Кодакниң коммунист хитайниң дәпсәндичиликлирини йошуруши номус қилидиған бир иштур."

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт