Rik sikot: "Kodak shirkitining kommunist xitayning depsendichiliklirini yoshurushi nomustur"

Muxbirimiz nur'iman
2021-09-02
Share

"Foks soda" xewer torining 2-sintebir xewer qilishiche, amérika kéngesh palata ezasi rik skot: "Kodak shirkitining Uyghur rayonida tartilghan süretlerge yazghan izahati üchün xitaydin kechürüm sorighanliqi we süretlerni özining ijtima'iy taratqu betliridin öchürwetkenliki, emeliyette béyjingning basturush siyasitige küch bergenliktur. Xitaygha boysunush peqetla xitay kompartiyesining basturushlirini kücheytishke türtke bolidu. Bu rayon (Uyghur rayoni) béyjing da'iriliri teripidin Uyghur musulmanlirigha yürgüzüliwatqan irqiy qirghinchiliq bilen munasiwetliktur."

Kodak shirkiti özining inistagram sehipiside fransuz fotograf patrik wakning Uyghur rayonidin tartqan süretlirini élan qilghan idi. Bu fotograf Uyghur rayonida tartilghan bu süretlerge yazghan izahatida "Bu rayonda keng kölemde xalighanche tutup turush sistémisi qurulghan, bu süretler shinjang rayonining birdinla 'orwélche distopiye' ichige chüshüp qalghanliqining pakiti" dégen sözlerni ishletken. Uning bu izahati derhal xitaydiki tor kézerlirining naraziliqigha uchrighan. Xitay taratquliri we tor kézerlirining naraziliqi netijiside kodak shirkiti Uyghur rayonidin tartilghan süretlerni we bu süretlerge yézilghan "Orwélche distopiye" dégen izahatlarni özining instagram bétidin öchüriwetken idi.

Rik skot 1-sintebir özining tiwéttér hisabida kodak shirkitige yazghan xétini hembehirligen. U yene mundaq dep yazghan: "Kodak shirkiti kommunist xitayning Uyghur musulmanlirigha qaritilghan rehimsiz kishilik hoquq depsendichilikini yorutup bergen süretlerni özining ijtima'iy taratqu bétide hembehirligen. Emma kéyinche bu süretlerni öchüriwetken we xitaydin kechürüm sorighan. Kodakning kommunist xitayning depsendichiliklirini yoshurushi nomus qilidighan bir ishtur."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet