Уйғур дияридики “кона” районлар тез сүрәттә чеқилмақчи

Мухбиримиз әзиз
2021.05.31

Хитай һөкүмитиниң уйғур дияридики уйғурчә услубқа игә мәһәллиләрни чеқиши қәшқәр шәһридики “чеқиш вә қайта қуруш” та әң рошән әкс әткән иди. Нөвәттә бу хил чеқиш хизмитиниң техиму тез сүрәттә давам қилидиғанлиқи мәлум болмақта.

“тәңритағ тори” ниң 31-майдики хәвиридә ейтилишичә, уйғур аптоном районлуқ ислаһат вә тәрәққият комитети һәрқайси “кона” мәһәллиләрниң “вәйранә” һалити вә амминиң турмушиға қолайсизлиқ елип кәлгәнликини баһанә қилип, бу хил кона районлар вә мәһәллиләрни чеқиш сүритини бурунқидин нәччә һәссә тез сүрәттә тамамлашни қарар қилған. Хәвәрдә ейтилишичә, бу қурулушта 2021-йилиниң өзидә 230 миң йүрүштин артуқ кона өйләр чеқилидикән. Хитай һөкүмити буниңға 2.8 Милярд сом (тәхминән 440 милйон америка доллири) аҗратқан болуп буни “һәр милләт хәлқигә бәхт яритиштики бир зор қәдәм” дәп тәшвиқ қилмақта икән.

Һалбуки муһаҗирәттики анализчилар бу һални тәнқидләп “бу хитай һөкүмитиниң уйғур миллий мәдәнийәт кимликини техиму тез сүрәттә йоқ қилиш урунушидин башқа нәрсә әмәс. Улар мушу арқилиқ уйғурларниң мәдәнийәт кимликини әслитидиған барчә шәйиләрни йоқ қилишни қәстлимәктә” дейишти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.