Uyghur diyaridiki "Kona" rayonlar téz sür'ette chéqilmaqchi

Muxbirimiz eziz
2021-05-31
Share

Xitay hökümitining Uyghur diyaridiki Uyghurche uslubqa ige mehellilerni chéqishi qeshqer shehridiki "Chéqish we qayta qurush" ta eng roshen eks etken idi. Nöwette bu xil chéqish xizmitining téximu téz sür'ette dawam qilidighanliqi melum bolmaqta.

"Tengritagh tori" ning 31-maydiki xewiride éytilishiche, Uyghur aptonom rayonluq islahat we tereqqiyat komitéti herqaysi "Kona" mehellilerning "Weyrane" haliti we ammining turmushigha qolaysizliq élip kelgenlikini bahane qilip, bu xil kona rayonlar we mehellilerni chéqish sür'itini burunqidin nechche hesse téz sür'ette tamamlashni qarar qilghan. Xewerde éytilishiche, bu qurulushta 2021-yilining özide 230 ming yürüshtin artuq kona öyler chéqilidiken. Xitay hökümiti buninggha 2.8 Milyard som (texminen 440 milyon amérika dolliri) ajratqan bolup buni "Her millet xelqige bext yaritishtiki bir zor qedem" dep teshwiq qilmaqta iken.

Halbuki muhajirettiki analizchilar bu halni tenqidlep "Bu xitay hökümitining Uyghur milliy medeniyet kimlikini téximu téz sür'ette yoq qilish urunushidin bashqa nerse emes. Ular mushu arqiliq Uyghurlarning medeniyet kimlikini eslitidighan barche shey'ilerni yoq qilishni qestlimekte" déyishti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet