Awstraliyening béyjing gén institutidin korona wirusi sinaq eswablirini sétiwélishi so'al peyda qilghan

Muxbirimiz erkin
2020-05-15
Élxet
Pikir
Share
Print

Awstraliyening béyjing gén institutidin korona wirusi sinaq eswablirini sétiwélishi bimarlarning shexsiy uchur bixeterliki we bu organning xitay hökümitini gén téxnikisi bilen teminlep, uning Uyghurlarni nazaret qilishigha yardemleshkenlikige alaqidar mesililerde so'al peyda qilghan.

Roytérs agéntliqining xewer qilishiche, awstraliyelik bezi mutexessisler BGI gha alaqidar "Zor exlaqi mesililer" ning barliqini bildürgen. Awstraliye sehiye ministirliqi yéqinda béyjing gén institutidin 10 milyon dollarliq korona wirusi sinaq eswabi sétiwalghan idi.

Awstraliye sehiye ministirliqi bayanatchisi grég hunt bu eswablarni ishlitishni awstraliye bixeterlik organlirining testiqlighanliqi, "BGI Ning bimar uchurlirigha érishelmeydighanliqi, bu eswablarning tejribixanilarda ishlitilmeydighanliqi" ni bildürgen. Lékin roytérsning xeweride mezkur orunning xitay hökümitini gén téxnikisi bilen teminlep, uning "Shinjangdiki Uyghurlarni nazaret qilishigha yardemleshkenliki heqqide endishiler barliqi" ilgiri sürülgen.

BGI Dunyadiki eng chong gén ambirigha ige bolup, bu shirket xitay jama'et xewpsizlik organlirining 2016-yili Uyghur DNA ambiri qurup, Uyghurlarni kontrol qilishigha yardemlishish bilen eyiblinip kelgen idi. Roytérsning xewiride tekitlishiche, awstraliye la trobé uniwérsitétining dotsénti jéymis leybold "BGI Gha chétishliq sanliq uchur mexpiyetliki we uning dunyadiki eng chong gén sanliq ambirini ishqa sélip, shinjangdiki Uyghurlarni nazaret qilishqa téxnikiliq yardem bérishni öz ichige alghan zor exlaqi mesililer bar," dégen.

Toluq bet