Lagérdiki Uyghur ayallirining tughmas qiliwétilidighanliqi ilgiri sürülmekte

Muxbirimiz eziz
2019-08-13
Élxet
Pikir
Share
Print

Uyghurlar diyaridiki lagérlarda körülüwatqan wehshiyliklerdin tashqi dunyagha anche köp melum bolmighan biri bu jaygha qamalghan qiz-ayallarning perzentlik bolush iqtidarining késip tashlinishi boluwatqanliqi melum.


En'gliyediki "Musteqil" gézitining 13-awghust sanida élan qilin'ghan bu heqtiki maqalida del mushu mesililer bayan qilinidu.

Aptor bu heqtiki ehwallarni éniqlash jeryanida sabiq mehbuslardin gülbahar jélilowa, méhrigül tursun qatarliq shahitlar özliri qamaqtiki mezgillerde sewebsizla okul urulghanliqini, shu ehwallardin kéyin köp qisim ayallarning héyiz körmes bolup qalghanliqini sözlep bergen. Méhrigül tursun bu heqte söz bolghanda: "Ular mejburlap yégüzgen dorilarni yégendin kéyin hepte-heptilep maghdurimizdin kétimiz. Xatirimizmu biraqla ajizlap kétidu" deydu. Maqalide éytilishiche, emma u amérikigha qedem basqandin kéyin andin doxturlar arqiliq özining alliqachan tughmas qiliwétilgenlikini bayqighan.

Tarixiy höjjetlerdin melum bolushiche, ayallarning ewlad qaldurush iqtidarini késip tashlash charisi ikkinchi dunya urushi mezgilide natsistlar gérmaniysi köplep qollan'ghan usullarning biri iken. Buningda ular "Salametlik tekshürüsh" namida ayallarning baliyatqusigha her xil ximiyelik suyuqluqlarni okul qilip uruwétidighan bolup, mushu usulda az dégendimu 500 ming yehudiy ayal tughmas qiliwétilgeniken.

Toluq bet