Нәйтин русер: «дәлилләр хитайниң лагерлар һәққидики чүшәндүрүшини рәт қилмақта»

Мухбиримиз әркин
2020-11-09
Share

Австралийә истратегийәлик сиясәт институти вә униң қармиқидики «шинҗаң санлиқ учур программиси» ниң тәтқиқатчиси нәйтин русерниң дейишичә, хитай һөкүмити гәрчә лагерларниң тақалғанлиқини елан қилған болсиму, лекин дәлилләр хитайниң лагерлар һәққидики сөзини инкар қилмақтикән. Нәйтин русерниң тәкитлишичә, улар ениқлап чиққан лагерларниң ичидики 60 тәк лагер хитай һөкүмити «қайта тәрбийәләш лагерлири» ниң тақалғанлиқини елан қилғандин кейин, кеңәйтип қурулған яки қурулуш қиливатқан лагерлар икән.

Нәйтин русер бу сөзләрни австралийә истратегийәлик сиясәт инистутиниң йеқинда өткүзлгән «сиясәт, қорал вә пул: шинҗаңдики мәдәнийәт бузғунчилиқи вә тутуп туруш орунлири» намлиқ тор сөһбәт йиғинида тәкитлигән. Бу институтниң тәтқиқатчиси анастасия капетасниң риясәтчиликидә өткүзүлгән мәзкур тор сөһбити «шинҗаң санлиқ учур программиси вә хитайниң уйғурларға тутқан муамилисиниң йәр шаривий тәсири» ни тема қилған. Сөһбәткә йәнә келсәй мунро, җеймис лейболд қатарлиқ мутәхәссисләр қатнашқан.

Җеймис лейболдниң тәкитлишичә, дәлилләр лагердики бир қисим кишиләрниң җәмийәткә қоюп берилгән яки мәҗбури әмгәккә йөткәлгәнлики, йәнә бир қисминиң рәсмий қамаққа елинғанлиқини көрсәтмәктә икән. Бу тәтқиқатчилар йеқинда хитайниң уйғур илида 2017-йилдин кейин қурулған вә кеңәйтилгән 380 дәк лагерниң орнини ениқлап чиққан. Улар арқидин елан қилған йәнә бир доклатида уйғур елидә йеқинқи 3 йил ичидә 16 миң мәсчитниң чеқилған вә бузғунчилиққа учриғанлиқини елан қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт