Явропадики лагер шаһитлири германийәдә икки һәптилик гуваһлиқ бериш паалийити елип баридикән

Мухбиримиз әркин
2021.10.11
Share on WhatsApp
Share on WhatsApp

Франсийәдики лагер шаһити гүлбаһар һейтваҗи билән голландийәдики лагер шаһити қәлбинур сидиқ келәр ай германийәдә икки һәптилик гуваһлиқ бериши паалийити елип берип, германийә ахбаратини, сиясийонлирини вә хәлқини хитайниң уйғурларға қарита елип барған “ирқий қирғинчилиқи” ға қарши һәрикәткә ‍өтүшкә чақиридикән. “явропа шәрқий түркистан бирлиги” ниң рәиси әсқәр җанниң ейтишичә, мәзкур тәшкилатниң орунлаштурушидики бу паалийәт 11-айниң 7-күни мюнхендин башлинип, 11-айниң 20-күнигичә давамлишидикән.

У 11-өктәбир радийомизға бу паалийәттә шаһитларниң лагерлардики қийин-қистақ, хорлашлар һәққидә гуваһлиқ беридиғанлиқи, бу паалийәтниң нишани германийә ахбаратиға, сиясийонлириға, аммивий тәкилатлириға вә германийә аммисиға қаритилғанлиқини билдүрди. Униң ейтишичә, паалийәт 11-айниң 7-күни мюнхенда ахбарат елан қилиш билән башлинип, августбург, франкфурт, гөтенген, хановер, берлин қатарлиқ 10 шәһәрдә елип берилидикән.

Әсқәр җан “бу паалийәтни германийә хәлқи уйғур лагер шаһитлириниң беишидин қандақ паҗиәләрниң өткәнлики, қандақ қийин-қистаққа дуч кәлгәнликини уларниң ‍өз ағзидин аңлисун, дәп башлидуқ” деди.

Бу паалийәт хитай һөкүмити лагирдики уйғурларға қийин-қистақ, басқунчилиқ, туғмас қилиш, хорлашни өз өз ичигә алған һәр хил ғәйри инсани муамилидә болғанлиқини рәт қилип, лагир шаһитлириға һуҗум қиливатқан бир вақитта елип берилиду. Уйғур аптоном районлиқ һөкүмәт 11-өктәбир күни бейҗиңда чақирған ахбарат йиғинидиму ‍өзлириниң уйғурларни хорлиғанлиқини рәт қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.