Б д т кишилик һоқуқ алий комиссари хитай уйғур елида тәкшүрүшкә йол қоймисиму, әмма тәкшүрүшни башлайдиғанлиқидин сигнал бәргән

Мухбиримиз әркин
2021-06-25
Share

Б д т кишилик һоқуқ алий комиссари мишел бачилет 25-‍июн хитай уйғур илидә тәкшүриш елип беришқа йол қоймисиму, әмма тәкшүрүшни башлаверидиғанлиқидин сигнал бәргән.

Көзәткүчиләрниң ейтишичә, хитайниң уйғур елида мустәқил хәлқара тәкшүрүш елип беришқа алдинқи шәрт қошуп, тәкшүрүшни арқиға созуши бачилетниң сәбр-тақитини зорлимақта икән.

Ройтерс агентлиқиниң хәвәр қилишичә, мишел бачилет 25-июн б д т кишилик һоқуқ кеңишигә өзиниң хитай билән 2018-йили 9-айдин бери давамлишип келиватқан сөһбитидә башқа таллаш йоллириниңму барлиқини билдүргән.

У “бу җәрянда (али комиссарият) ишианиси шинҗаңдики кишилик һоқуқ дәпсәндичиликини анализ қилиш вә баһалашни давамлиқ чоңқурлаштуриду,” дегән. Бачилетниң тәкшүрмәкчи болған алақидар дөләт қобул қилмисиму яки кишилик һоқуқ кеңишиниң қарарисизму йирақтин гуваһлиқ елиш вә дәлил топлаш һоқуқи бар икән. Кишилик һоқуқ тәшкилатлири униң уйғурлар мәсилисидә бу һоқуқини илитишини тәләп қилип кәлгән.

Ройтерс агентлиқиниң билдүришичә, кишилик һоқуқни көзитиш тәшкилатиниң иҗраийә дериктори кеннес рот, б д т ниң һазирға қәдәр “шинҗаңда болуватқан ишларни баһалап бақмиғанлиқи” ни билдүрүп: “бейҗиң рәт қилғанлиқи үчүн биз өз алдимизға баһалап чиқишимиз керәк,” дегән.

Кишилик һоқуқ көзүтиш тәшкилати билән хәлқара кәчүрүм тәшкилати йеқинда арқа-арқидин доклат елан қилип, хитайниң уйғур илидики қилмиши “инсанийәткә қарши җинайәт” тәшкил қилидиғанлиқини елан қиилған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт