B d t kishilik hoquq aliy komissari xitay Uyghur élida tekshürüshke yol qoymisimu, emma tekshürüshni bashlaydighanliqidin signal bergen

B d t kishilik hoquq aliy komissari mishél bachilét 25-‍iyun xitay Uyghur ilide tekshürish élip bérishqa yol qoymisimu, emma tekshürüshni bashlawéridighanliqidin signal bergen.

Közetküchilerning éytishiche, xitayning Uyghur élida musteqil xelq'ara tekshürüsh élip bérishqa aldinqi shert qoshup, tekshürüshni arqigha sozushi bachilétning sebr-taqitini zorlimaqta iken.

Roytérs agéntliqining xewer qilishiche, mishél bachilét 25-iyun b d t kishilik hoquq kéngishige özining xitay bilen 2018-yili 9-aydin béri dawamliship kéliwatqan söhbitide bashqa tallash yolliriningmu barliqini bildürgen.

U “Bu jeryanda (ali komissariyat) ishi'anisi shinjangdiki kishilik hoquq depsendichilikini analiz qilish we bahalashni dawamliq chongqurlashturidu,” dégen. Bachilétning tekshürmekchi bolghan alaqidar dölet qobul qilmisimu yaki kishilik hoquq kéngishining qararisizmu yiraqtin guwahliq élish we delil toplash hoquqi bar iken. Kishilik hoquq teshkilatliri uning Uyghurlar mesiliside bu hoquqini ilitishini telep qilip kelgen.

Roytérs agéntliqining bildürishiche, kishilik hoquqni közitish teshkilatining ijra'iye dériktori kénnés rot, b d t ning hazirgha qeder “Shinjangda boluwatqan ishlarni bahalap baqmighanliqi” ni bildürüp: “Béyjing ret qilghanliqi üchün biz öz aldimizgha bahalap chiqishimiz kérek,” dégen.

Kishilik hoquq közütish teshkilati bilen xelq'ara kechürüm teshkilati yéqinda arqa-arqidin doklat élan qilip, xitayning Uyghur ilidiki qilmishi “Insaniyetke qarshi jinayet” teshkil qilidighanliqini élan qi'ilghan idi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar