Лагердики тутқунларниң түрмигә йөткиливатқанлиқи көпләп мәлум болмақта

Мухбиримиз әзиз
2019-10-08
Елхәт
Пикир
Share
Принт

Уйғур дияридики лагерларға қамалған тутқунларниң қандақ роһий вә җисманий қийнақларға дуч келиватқанлиқи һәққидә көплигән учурлар мәлум болуватқанда йәнә бир түркүм лагер тутқунлириниң уруқ-туғқанлири һазир барғансери көп кишиләрниң лагердин түрмиләргә йөткиливатқанлиқини ашкара қилди.

«Дөләтлик хәлқ радийоси» ниң мухбири емилий фең имзасида 8-өктәбир елан қилинған бу һәқтики мақалида көрситилишичә, улар қазақистанда зиярәт қилған уйғур вә қазақлардин 26 киши өзлиригә мәлум болған учурлар асасида лагердики туғқанлириниң қоюветилмигәнликини, әксичә уларниң рәсмий түрмиләргә җаза муддити өтәшкә йөткәлгәнликини билдүргән. Мәлум болушичә, «лагердин қоюветилди» дегән кишиләрму қаттиқ назарәт астида икән.

Зиярәт қилинған бу кишиләр бирдәк лагер тутқунлириниң нормал диний етиқад паалийәтлири үчүн лагерға елип кетилгәнлики, уларниң һәрқачан роһий вә җисманий бесим, шундақла еғир тәһдитләр астида «тәрбийә» алидиғанлиқи, бир қисимлириниң «тәрбийәләшни пүттүргән» дин кейин завутларға ишқа йөткәлгәнликини сөзләп бәргән.

Радийомизму илгири бу һәқтә көпләп хәвәр бәргән болуп, қазақистандики бу кишиләрниң шаһитлиқ баянлири бизниң илгирики хәвәрлиримизниң чинлиқини йәнә бир қетим дәлиллиди.

Пикирләр (0)
Share
Толуқ бәт