Уйғур дияридики лагерларниң сани һәққидә йеңи мәлуматлар оттуриға чиқмақта

Мухбиримиз әркин
2019-11-13
Share

Уйғур дияридики милйонлиған уйғур қамалған дәп қариливатқан лагерларниң сани һәққидә йеқиндин буян көплигән мәлуматлар оттуриға чиқишқа башлиди. Болупму лагерлар һәққидики издинишлири билән бу саһәниң авангарт алимлиридин болуп қалған германийәлик тәтқиқатчи адрян зенз өткән һәптә радийомиз уйғур бөлүминиң мәхсус зияритини қобул қилғанда өзиниң «шинҗаңда аз дегәндиму миңдин артуқ лагер мәвҗут» дәп қарайдиғанлиқини билдүрди.

Доктур адрян зенз өзиниң бу санни һазирчә мәлум болған хитайчә һөҗҗәтләр вә буниңға мунасивәтлик учурлар асасида толиму төвән мөлчәрдә оттуриға қойғанлиқини сөзләп келип, «һазирчә мәлум болған дәлил-испатлар бу санниң 1200 әтрапида икәнликидин бишарәт бериду,» деди. 

Франсийә бирләшмә агентлиқи 13-ноябирдики хәвиридә ейтилишичә, америкадики «шәрқий түркистан миллий ойғиниш һәркити» ниң хадимлири һазирчә өзлириниң «шәрқий түркистандики һәрқайси вилайәт вә шәһәрләрдә 500 гә йеқин лагер барлиқини дәлилләп чиққанлиқи» ни билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт