Litwa parlaméntida Uyghurlar heqqide guwahliq bérish yighini échilmaqchi

Xitay hökümitining ‍uyghur diyaridiki irqiy qirghinchiliqi dunya miqyasida eyibleshke uchrawatqanda yawropadiki litwa jumhuriyitimu özlirining bu heqtiki ré'alliqqa qarap chiqish üchün bir qétimliq guwahliq bérish yighini achmaqchi boluwatqanliqini bildürdi.

“Baltiq xewerliri tori” ning 6-apréldiki xewiride éytilishiche, gherp dunyasidiki xitay hökümitini eyiblesh dolqunigha awaz qoshush hemde birleshken döletler teshkilati (b d t) qirghinchiliqning aldini élish ehdinamisige emel qilish yüzisidin litwa parlaménti bu yighinni orunlashturghan. Litwa parlaméntining ezasi dowiliy shakalina muxbirlarning so'allirigha jawab bergende yuqurqi sözlerni qilghan hemde “Xitay hökümitining bir pütün milletni yoq qiliwétishke urunushtek bundaq qilmishi bizni qattiq chöchütti” dégen.

Xewerde éytilishiche, xitay hökümiti yéqinda shakalina xanimni “Imbargo” qoyulidighan chet ellikler tizimlikige qoshqan hemde uninggha “Tolimu keskin ibarilik mektup” ewetken. Melum bolushiche, bu qétimqi guwahliq bérish yighini 22-aprélda échilidighan bolup, buningda xelq'ara mutexessisler we lagér shahidliri guwahliq béridiken.

Melum bolushiche, litwa jumhuriyiti gollandiyedin kéyin Uyghurlar mesilisi heqqide söz qilghan ikkinchi yawropa döliti hésablinidiken.