Xelq'araliq parlaméntlar birleshmisi litwa we teywenni qollash chaqiriqi élan qildi

Muxbirimiz eziz
2021-09-14
Share

"Xitay heqqidiki xelq'ara parlaméntlar birleshmisi" 14-séntebir küni chaqiriq élan qilip dunya jama'itini litwa we teywenni qollashqa dewet qildi. Xewerde éytilishiche, litwa hökümiti Uyghur qirghinchiliqi heqqidiki qararni alghan hemde teywenning litwada bash wakaletxana échishigha ruxset qilghandin kéyin xitay hökümiti litwa we teywen'ge éghir bésim ishletmektiken.

"Asiya xelq'ara xewerliri" torining bu heqtiki xewiride éytilishiche, mezkur xelq'araliq parlaméntlar birleshmisige yüzdin artuq parlamént eza bolup, yillardin buyan démokratiye, kishilik hoquq we soda mesililiride heqqaniyetni yaqlap kéliwatqaniken. Ularning bayanatida xitay hökümitining zorawanliqi eyiblen'gen hemde herqaysi parlaméntlarni heq we adaletning jari bolushi üchün litwa bilen teywenni qollashqa chaqirghan. Litwa tashqi ishlar ministiri gabrilus lendsbérgis bu heqte söz qilip; "Men yawropa ittipaqidiki bashqa eza döletlernimu xitayni cheklesh sépige qoshulushqa chaqirimen" dégen.

Melum bolushiche, xitay hökümitining bu xildiki "Diplomatiye düshmenliki" pa'aliyetliri yéqinqi mezgillerde herqachan ularning Uyghur qirghinchiliqini dawam qilishi bilen baghlinip qalmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet