Litwa hökümitining xitay heqqidiki pozitsiyesi téximu yaxshi sherhilendi

Muxbirimiz eziz
2021-05-24
Share

Yéqinda litwa hökümiti xitay hökümiti sherqiy yawropada berpa qilghan 17 +1 topidin chékinip chiqqan idi. Litwa hökümitining mu'awin tashqi ishlar ministiri mantas adoménas "Aksyos" torining mexsus ziyaritini qobul qilghanda buningdiki bezim pirinisipalliq sewebler heqqide chüshenche bergen.

U bésaniy ‍ibrahimiyan bilen bolghan söhbette bu heqte söz qilip: "Biz bu heqtiki munasiwetlerni estayidil oyliship chiqqandin kéyin bu ittipaqning emiliyette wede qilin'ghandek iqtisadiy menep'et élip kelmeydighanliqini tonup yettuq," dégen. U yene qoshumche qilip, özlirining yalghuz iqtisadiy menpe'etnila emes, yene xitay hökümitining iqtisadni destek qilip turup bashqa memliketlerning qimmet qarishi we kishilik hoquq ölchemlirini ajizlitishtek urunushlirinimu hésapqa alghanliqini tekitligen. Shuningdek özlirining hergizme azraq iqtisadiy menpe'etni erkinlik qarishi we qanun arqiliq idare qilish pirinsipliridin ela körmeydighanliqini bildürgen.

Mantas ependining qarishiche, litwaning eyni waqitta sabiq sowét ittipaqidin qutulup musteqil bolushida gherbning démokratiye heqqidiki bésimliri muhim rol oynighan iken. Shunga bügünki künde oxshash teqdir bashqilarning béshigha chüshkende buninggha qol qowushturup qarap turushni qet'i muwapiq emes iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet