Litwa tashqi ishlar ministirliqi xitayning tehditlirige perwa qilmaydighanliqini bildürdi

Muxbirimiz eziz
2021-08-11
Share

Uyghur diyaridiki siyasiy basturush xelq'araning küchlük diqqitini qozghighandin kéyin litwa parlaménti "Xitay hökümiti Uyghurlarni qirghin qiliwatidu hemde insaniyetke qarshi jinayet ötküzüwatidu" dep resmiy qarar alghanidi. Ene shu waqittin bashlan'ghan ikki terep otturisidiki diplomatik krizis litwa hökümitining teywen bilen bolghan munasiwiti qoyuqlashqandin kéyin yene bir baldaq örligenidi. Bolupmu teywenning litwada "Wekiller ishxanisi" achqanliqi tüpeylidin 10-awghust küni xitay hökümiti özining litwadiki bash elchisini chaqirtip ketti.

11-Awghust küni litwa tashqi ishlar ministirliqi özlirining tor bétide bayanat élan qilip özlirining teywen bilen bolghan munasiwitini dawam qilduridighanliqini bildürdi. Bayanatta "Biz yawropa ittipaqidiki we dunyaning bashqa jayliridiki köpligen döletlerge oxshashla teywen bilen bolghan menpe'etdarliq alaqimizni saqlap qalimiz" déyilidu.

Emma xitay hökümitining bu qilmishi xelq'arada keskin tenqidlendi. Teywen tashqi ishlar ministirliqi bu heqte pikir qilip "Litwa hökümitining bu herikiti milliy ghurur we erkinlikni qoghdashning tipik ülgisi" dédi. Amérika tashqi ishlar ministirliqimu buni tenqidlep "Herqandaq bir döletning öz tashqi siyasitini békitishi bashqilarning mejburlishigha duch kelmesliki lazim" dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet