Блинкен хитайниң летваға болған бесимиға қарита американиң летва билән полаттәк һәмкарлиқи барлиқини тәкитлигән

Мухбиримиз әркин
2021-08-23
Share

Америка ташқий ишлар министири антони блинкен хитайниң летваға бесим ишлитишигә инкас билдүрүп, американиң летвани қоллайдиғанлиқи, американиң шимали атлантик әһди тәшкилатдики бу иттипақдиши билән полаттәк һәмкарлиқи барлиқини тәкитлигән. Блинкен бу сөзләрни летва парламенти қарар мақуллап, хитайниң уйғурларға "ирқий қирғинчилиқ" қилғанлиқини етирап қилши, шундақла униң тәйвәндә вакаләтхана қуруши, хитайни қаттиқ биарам қилип летваға қарита қаттиқ бесим қиливатқан бир вақитта ейтқан.

Хитай 10-авғуст күни летвада турушлуқ әлчисини қайтуруп кәткән, шундақла летваниңму бейҗиңда турушлуқ әлчисини қайтуруп кетишини тәләп қилған. Буниң алдида летва парламенти қарар мақуллап, хитайниң уйғурларға тутқан муамилисини "ирқий қирғинчилиқ" дәп атиған шундақла б д т ниң уйғур елида тәкшүрүш елип беришини вә ярвропа иттипақиниң бейҗиң билән болған мунасивитини қайтидин көздин кәчүрүшини тәләп қилған иди.

Америка ташқий ишлар министирлиқиниң елан қилишичә, блинкен 21-авғуст летва ташқий ишлар министири габрелюс ләндисбергис билән телефонда сөзләшкәндә икки тәрәп мунасивитиниң "күчи вә кәңлик даирисини муайәнләштүргән." америка ташқий ишлар министирлиқиниң бу һәқтики язма баянатида: "блинкен хитай хәлқ җумһурийитиниң зорлаш характерлиқ қилмишлириға қарита шималий атлантик әһди тәшкилатидики иттипақдишимиз вә явропа иттипақидики шерикимиз летва билән болған полаттәк һәмкарлиқимизни тәкитлиди," дейилгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт