Kem qalghan ma'ashi üchün namayish qilghan kan ishchilirini tutqun qilin'ghan

Muxbirimiz jüme
2016-03-20
Share

Yerliklerning jüme küni bildürüshiche, xitay saqchiliri kem qalghan ma'ashi üchün keng kölemlik namayish qilghan xéylongjangliq kan ishchilirini tutqun qilghan.

Firansiye agéntliqida xewer qilishiche, xitay da'iriliri xéylongjang ölkisi shwangyashen wilayitige qarashliq kömürkan we polat - tömür sahesidin ikki milyon'gha yéqin ishchini qisqartidighanliqini élan qilghan. Qarar, mezkur shirketlerge qarashliq ishchilarni narazi qilghan.

Namayish ötken shenbe künidin bashlan'ghan bolup, namayishchilar qoshuni bara - bara kéngeygen.

Namayishchilar qollirida kem qalghan ma'ashni telep qilidighan plakatlarni kötürüshken bolup, ular namayishni tinchitishqa chiqqan saqchilar bilen toqunushqan.

Xewerde körsitishiche, jüme künige kelgende namayishchilar qoshuni nechche minggha yetken, xitay saqchiliri bulardin 30 din artuq ademni qolgha alghan.

Xewerde neqil qilishiche, gaw famililik bir ishchi bezi xizmetdashlirining 2014 we 2015 xizmet yilda 60 pirsent ma'ashni alalmighanliqini bildürgen.

Xitayning iqtisadiy tereqqiyatidiki astilash xitayda bu xildiki namayishlarning köplep meydan'gha kélishige seweb bolghanliqi melum.

Bu hepte sichüenning langjung shehiride bir qisim qurulush ishchisi kem qalghan ma'ashini telep qilip namayish qilghan.

Bularning 8 nepiri charshenbe küni sotqa tartilip "Hökümet xadimlirigha tehdit sélish" jinayiti bilen amma aldida sazayi qildurulgha we 6 din 8 ayliqqiche qamaq jazasigha buyrulghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet