Yoqap ketken malayshiya ayropilanidiki yoluchilarning a'ile-tawabi'atliri béyjingda namayish qildi

Muxbirimiz erkin
2016.07.29

2014‏-Yili 8‏-mart küni béyjinggha kétiwétip iz-déreksiz yoqap ketken MH 370 nomurluq ayropilandiki yoluchilarning a'ile-tawabi'atliri jüme küni xitay tashqi ishlar ministirliqi aldida namayish qilip, ayropilan izdeshni toxtitishqa naraziliq bildürgen.

Namayishchilar xitay tashqi ishlar ministiri wang yi bilen körüshüshni telep qilghan. Yoqap ketken ayropilan malayshiya paytexti ku'alalumpurning qozghilip, yolda ghayib bolghan. Ayropilandiki bir Uyghurni öz ichige alghan 239 neper yoluchining köp qismi xitay puqrasi idi.

Ayropilandiki Uyghur yoluchining ressam memetjan abdulla ikenliki melum bolghan. Lékin xitay tor betliride ayropilanni bu Uyghurning élip qachqanliqi munazire qilin'ghan. Xitay hawa yolliri da'irilirining yoluchilar tizimlikidin uning ismini chiqiriwétishi téximu guman qozghap, amérika Uyghur jem'iyitining qattiq tenqidige uchrighan. Amérika Uyghur birleshmisi xitay da'irilirining herikitini uninggha qilin'ghan bohtan hem kemsitish, dep agahlandurghan idi.

Ayropilanning bezi parchiliri jenubiy hindi okyandin tépilghan bolsimu, emma ayropilanning gewdisi hazirgha qeder tépilmighan. Netijide malayshiya, awstraliye we xitay 3 dölet ötken hepte yighin échip, izdeshni toxtitishni qarar qilghan.

Birleshme agéntliqining xewer qilishiche, xitay tashqi ishlar ministirliqi ghayib yoluchilarning a'ile tawabi'ati bilen söhbet ötküzüshni ret qilghan. Yoluchilarning bir a'ile tawabi'ati birleshme agéntliqigha söz qilip, “Bizning, u yighinda qandaq ishlarning bolghanliqini toluq bilishke heqqimiz bar” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.