Малайшияда тутуп турулуватқан 11 нәпәр уйғур бүгүн сотқа чиқирилған

Мухбиримиз ирадә
2018-04-24
Share

Өткән йили тайландтики түрмидин қачқандин кейин малайшияда тутулуп қалған 11 нәпәр уйғур сәйшәнбә күни малайшияда сотқа чиқирилған. Әркин малайшия гезитиниң хәвәр қилишичә, малайшия даирилири сотта бу 11 нәпәр уйғурни «малайшия чеграсидин қанунсиз өтүш» җинайити билән әйиблигән. Бирақ, улар хәлқара мусапирлар қанунидики алақидар маддиларға асасән юқиридики әйибнамини рәт қилған.

Бу уйғурларниң соти бүгүнгичә тәрҗиман болмиғанлиқ сәвәби билән икки қетим кечиктүрүлгән иди. Хәвәрдин қариғанда, әгәр бу уйғурларға «қанунсиз чеградин кириш» җинайити бекитилгән тәқдирдә уларға җәриманә вә 5 йиллиқ қамақ җазаси берилиши мумкин икән. Кейинки қетимлиқ сот 31-май күни ечилидикән. 

Бу 11 уйғур 4 йилниң алдида тайландта тутулуп қалған уйғурларниң бир қисми иди. Әйни вақитта тайландта тутулуп қелип өзлириниң түркийә вәтәндиши икәнликини илгири сүргән 200 чә уйғурниң бир қисми 2015‏-йили хитайға қайтурулған, бир қисми түркийәгә йөткәлгән. Тайландта қепқалғанлиридин 20 нәпири өткән йилниң ахири түрмә темини тешип вә йотқан-әдияллирини арқан қилип түрмидин қечип чиққан иди.

11 Уйғур тутулғандин кейин хитай даирилири малайшиядин уларни қайтуруп беришни тәләп қилған.

Америка қатарлиқ бир қисим ғәрб дөләтлири малайшияни бу 11 уйғурни хитайға қайтурмаслиққа чақирған. Америка башлиқ ғәрб әллири, әгәр бу уйғурлар хитайға қайтурулса һаятий бихәтәрликиниң хәвпкә учрайдиғанлиқини тилға елип, өзлириниң бу җәһәттики әндишисини ипадилигән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт