Malaysiya we hindonéziyediki musulmanlar xitayning Uyghurlarni basturushigha qarshi namayish qilghan

Muxbirimiz erkin
2019-12-25
Share

Malaysiya we hindonéziyediki musulmanlar ötken hepte namayish qilip, xitayning Uyghurlarni keng kölemde yighiwélish lagérlirigha qamishi we xorlishigha naraziliq bildürgen.

"Binar xewerliri" ning 3‏2-dékabir ashkarilishiche, malaysiyaning sélan'gor ölkisidiki kajang shehiride musulmanlar namayish qilip, Uyghurlarni qollaydighanliqini ipadiligen. Bu namayish "Shinjang sen'et ömiki" malaysiyaning sélan'gor ölkisidiki kajang shehirige kélip oyun qoyghan körgezme zalining sirtida ötküzülgen.

"Güzel shinjang medeniyet köriki" namliq bu pa'aliyet malaysiyadiki xitay elchixanisining teshkillishide ötküzülgen. Pa'aliyet 7 kün dawamliship, 22‏-dékabir küni axirlashqan idi.

"Binar xewerliri" ning bildürüshiche, malaysiya pérlis shtatining bash qazisi muhemmed asri bin zeynul abidin xitayning Uyghurlarni xorlishigha qarita musulman döletlirining xitay mallirigha bayqut qilishini telep qilghan. U ötken jüme küni "El-jezire" téléwiziye qaniligha söz qilip, "Xitay mallirigha bayqut élan qilishimiz kérek. Ular(xitay) bizning sétiwélish küchimizni bilidu" dégen.

"Binar xewerliri" ning bildürüshiche, ötken hepte yene hindonéziyediki achéx ölkisining merkizi banda achéx shehiride birer yüzdek musulman amma namayish qilip, Uyghurlarni qoghdashni telep qilghan. Namayishchilar "Uyghurlarni qoghdayli" dégen lozunkilarni kötürüp, xitayning 2 milyondek Uyghurni lagérlargha qamishigha naraziliq bildürgen. Shuning bilen bir waqitta yene bir qanche yüz namayishchi xitayning jakartadiki elchixanisi we shimaliy sumatra ölkisining médan shehiridiki xitay konsulxanisi aldida namayish qilip, lagérdiki Uyghurlarni qoyup bérishni telep qilghan. "Jakarta pochtisi géziti" ning bildürüshiche, namayishchilar Uyghurlarni xorlashni toxtitishni, lagérdiki tutqunlarni derhal qoyup bérishni telep qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet