Малайсия ташқий ишлар министири уйғурларниң вәзийитини йеқиндин көзитиватқанлиқини билдүрди

Мухбиримиз ирадә
2019-01-23
Елхәт
Пикир
Share
Принт

Малайсия ташқий ишлар министири сәйфуддун абдуллаһ уйғурларниң вәзийитини диққәт билән көзитиватқанлиқини билдүрди.

Сәйфуддун абдуллаһ 22-январ күни яврупа парламенти ташқий ишлар комитетиниң йиғиниға қатнишип, малайсия һөкүмитиниң ичкий вә ташқий сиясәтлири, кишилик һоқуқ хатириси вә униң яврупа иттипақи билән болған сода алақилири үстидә тохталған. Униң сөзидин кейин соал-җаваб қисмида комитет әзалиридин бәзилири малайсия һөкүмитиниң уйғур мәсилисидики позитсийәниң немиликини сориған.

Малайсия ташқи ишлар министири сәйфуддун абдуллаһ бу суалға җавап берип, «биз уйғурларниң вәзийитини йеқиндин көзитиватимиз, йүз бериватқан әһвалларға диққәт қиливатимиз вә әлвәттә буниңдин қаттиқ әндишилиниватимиз,» дегән.

У сөзини давам қилип, «бу мәсилидә малайсия һөкүмити өз позитсийиримизни қандақ қилип йәниму очуқ қилип оттуриға қоюш тоғрисида давамлиқ издәнмәктә,» дегән.

Малайсия ташқи ишлар министири сәйфәддун абдуллаһ диний әркинликни капаләткә игә қилишта шәрқий-җәнубий асия дөләтлириниң өз-ара һәмкарлишиши керәкликиниму тәкитләп өтти.

Малайсия һөкүмити үйғур елидики лагерлар ашкариланғандин кейин малайсияда тутуп туруливатқан 11 нәпәр уйғурни хитайға қайтурмаслиқ қарарини алған вә бу уйғурларниң гунаһсизлиқини билдүргән иди. Бундин башқа йәнә малайсия парламент әзаси вә болғуси баш министир әнвәр ибраһим хитай һөкүмитини уйғурларниң һәқ-һоқуқлириға һөрмәт қилишқа чақириш билән биргә йәнә уйғур елидики лагер мәсилисиниң хитайниң ички иши әмәсликини тәкитлигән иди.

Пикирләр (0)
Share
Толуқ бәт