Malaysiya tashqiy ishlar ministiri Uyghurlarning weziyitini yéqindin közitiwatqanliqini bildürdi

Muxbirimiz irade
2019-01-23
Élxet
Pikir
Share
Print

Malaysiya tashqiy ishlar ministiri seyfuddun abdullah Uyghurlarning weziyitini diqqet bilen közitiwatqanliqini bildürdi.

Seyfuddun abdullah 22-yanwar küni yawrupa parlaménti tashqiy ishlar komitétining yighinigha qatniship, malaysiya hökümitining ichkiy we tashqiy siyasetliri, kishilik hoquq xatirisi we uning yawrupa ittipaqi bilen bolghan soda alaqiliri üstide toxtalghan. Uning sözidin kéyin so'al-jawab qismida komitét ezaliridin beziliri malaysiya hökümitining Uyghur mesilisidiki pozitsiyening némilikini sorighan.

Malaysiya tashqi ishlar ministiri seyfuddun abdullah bu su'algha jawap bérip, "Biz Uyghurlarning weziyitini yéqindin közitiwatimiz, yüz bériwatqan ehwallargha diqqet qiliwatimiz we elwette buningdin qattiq endishiliniwatimiz," dégen.

U sözini dawam qilip, "Bu mesilide malaysiya hökümiti öz pozitsiyirimizni qandaq qilip yenimu ochuq qilip otturigha qoyush toghrisida dawamliq izdenmekte," dégen.

Malaysiya tashqi ishlar ministiri seyfeddun abdullah diniy erkinlikni kapaletke ige qilishta sherqiy-jenubiy asiya döletlirining öz-ara hemkarlishishi kéreklikinimu tekitlep ötti.

Malaysiya hökümiti üyghur élidiki lagérlar ashkarilan'ghandin kéyin malaysiyada tutup turuliwatqan 11 neper Uyghurni xitaygha qayturmasliq qararini alghan we bu Uyghurlarning gunahsizliqini bildürgen idi. Bundin bashqa yene malaysiya parlamént ezasi we bolghusi bash ministir enwer ibrahim xitay hökümitini Uyghurlarning heq-hoquqlirigha hörmet qilishqa chaqirish bilen birge yene Uyghur élidiki lagér mesilisining xitayning ichki ishi emeslikini tekitligen idi.

Toluq bet