Malayshiyaliq ministir: "Biz malaysiyada panahliniwatqan Uyghurlarni xitaygha ötküzüp bermeymiz"

Muxbirimiz irade
2020-09-04
Share

Malaysiya herqandaq bir Uyghur musapirni xitaygha ötküzüp bermeydighanliqi we ularning 3-bir döletke bixeter yerlishishige kapaletlik qilidighanliqini bildürgen.

Roytérs agéntliqining bu heqtiki xewiridin qarighanda, yuqiriqi sözni malaysiya hökümitining bash ministirliq mehkimisidiki ministir derijilik emeldari mohid redzu'an dégen. U: "Eger herqandaq bir Uyghur hayatiy bixeterliki üchün malaysiyagha qachqan bolsa, biz xitay hökümiti ularni qayturup bérishni telep qilghan teqdirdimu ularni qayturmasliqni qarar qilduq," dégen.

Roytérs agéntliqining éytishiche, uning yuqiriqi bu sözi malaysiya parlaméntining tor bétide élan qilin'ghan iken. Gerche bu bayanatning qachan élan qilin'ghanliqi éniq bolmisimu, emma bu malaysiya hökümitining tunji qétim Uyghurlar mesiliside resmiy yosunda éniq pozitsiyesini bildürüshi bolup hésablinidiken.

Roytirs agéntliqi bu heqte xitayning ku'alalumpurdiki bash elchixanisining pikrini almaqchi bolghan bolsimu, emma jawabqa érishelmigen.

2018-Yili öktebirde malaysiya da'iriliri xitayning küchlük telipige qarimay, 11 Uyghurning türkiyege méngishigha ruxset qilghan idi. Eyni chaghda xitay buningdin qattiq narazi bolghanda eyni waqittiki malaysiya bash ministiri maxatir muhemmed qoyup bérilgen bu Uyghurlarning malaysiyada "Héchqandaq xataliq sadir qilmighanliqi" ni bildürgen.

Malaysiya Uyghurlarning keng kölemde tutqun qilinip lagérlargha qamilishigha qarita bashqa musulman döletlerge nisbeten bir qeder küchlük inkas qayturghan dölet bolup hésablinidu. Malaysiyadiki nurghun ammiwi teshkilatlarmu Uyghurlar mesilisige zor ehmiyet bergen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet