Malaysiya parlaméntida Uyghurlar mesilisi yene bir qétim tekitlendi

• 
  2019-11-12

Malaysiyaning siyasiy sehnisidiki yétiliwatqan yashlardin parlamént ezasi nik nazmi 8-noyabir küni malaysiya parlaméntida échilghan bir qétimliq chong yighinda parlamént bashliqigha Uyghurlar mesilisi heqqide aghzaki melumat berdi.

U sözide “Sherqiy türkistanda Uyghurlar éghir zulumgha uchrawatidu. Malaysiya üchün xitay gerche nahayiti muhim orun igilisimu, biz özimizning dölet pirinsipini bir yaqqa qayrip qoyup turup, Uyghurlar heqqide zuwan sürmisek qet'iy bolmaydu” dédi.

Nazmi sözining dawamida hazir islam dunyasida peqet malaysiya we türkiyeningla Uyghurlar heqqide anche-munche söz qiliwatqanliqini, emdi bularningmu jim boluwélishni tallishini eyiblidi. Shuning bilen birge doktur adryan zénz xitay hökümitining melumatliri asasida teyyarlighan doklattin misal élip, hazir Uyghurlar duch kéliwatqan ehwalning adettiki kishilik hoquq mesilisi emeslikini, malaysiya hökümitining bu mesilide emeliy herkette bolushini alahide tekitlidi.