Kéngesh palata ezasi marku rubi'o sha'ir we zhurnalist qurban mamutning iz-dérikini bérishni telep qildi
Amérika kéngesh palatasining jumhuriyetchi ezasi marku rubi'o 7-may küni twittirda uchur yollap, xitayning ataqliq zhurnalist we sha'ir, “Shinjang medeniyiti” zhurnilining sabiq bash muherriri qurban mamutning iz-dérikini bérishini telep qilghan. Marku rubi'oning éytishiche, amérika “Béyjingning Uyghur milliy kimliki we medeniyitini öchürüp tashlashqa urunushini jawabkarliqqa tartishi kérek” iken.
Qurban mamut 2017-yilining axirliri ürümchidiki öyidin élip kétilgen 4 yildin béri xitay hökümiti hazirghiche uning a'ilisige iz-dérikini bermigen.
Da'iriler bu yil radiyomizgha uning tutqun qilin'ghanliqini étirap qilghan bolsimu, biraq yenila uning hayat-mamatliq ehwalini ashkarilimighanidi.
Marku rubi'o twittirdiki uchurida “Sha'ir we zhurnalist qurban mamutning xitay kompartiyesi uni shinjang qayta-terbiyelesh lagérigha qamighan 4 yildin artuq waqittin béri oghli behram sintash bilen sözliship baqmidi. Biz béyjingning Uyghur milliy we medeniyet kimlikini yoqitishqa urunushini jawabkarliqqa tartishimiz kérek” dégen.
Marku rubi'o bu uchurni amérika qelemkeshler jem'iyiti 6-may küni amérika dölet mejlisidikilerge tutqundiki yazghuchilar heqqide doklat bérish yighini ötküzüp arqidinla yollighan. Yighinda qurban mamutning amérikadiki oghli, erkin asiya radiyosining filim ishligüchisi behram sintash söz qilip, xitaydin dadisining iz-dérikini bérishni telep qilghan.
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- B d t ning ichki qismidiki nishanigha muxalip qilmishliri we Uyghur mesilisi
