Кеңәш палата әзаси рубио хитайниң америка ширкәтлиридин пайдилинип хитайға пайдилиқ сиясәт күтүватқанлиқини билдүргән

Мухбиримиз әркин
2021-05-10
Share

Америка кеңәш палата әзаси марку рубио хитайниң ‍америка ширкәтлиридин пайдилинип америкиниң хитайға пайдилиқ сиясәт йүргүзүшини күтүватқанлиқини билдүргән. Униң тәкитлишичә, нөвәттә ширкәтләр өзлириниң хитайдики тиҗаритини қолға кәлтүрүшкә капаләтлик қилиш үчүн қандақ иш қилишқа рази икәнликини ипадилимәктикән. У, ширкәт мәсуллириниң хитайниң тәләплиригә бойсунуп, андин америкаға қайтип келип хитай һөкүмитигә натоғра муамилә қилиниватқанлиқини илгири сүрүватқанлиқини билдүргән.

"бир америка хәвәрләр тори" ниң хәвәр қилишичә, марку рубио бу сөзни 7-май күни американиң флорида штатидики бир даңлиқ йәрлик радийо истансисиниң зияритини қобул қилғанда ейтқан. У хәлқарадики бәзи ширкәтләрниң һәр 3 айда бир қетим баһалаш елип берип: "әгәр хитай сизни ‍өзиниң иқтисадидин тепип чиқарса бу сизниң киримиңиз үчүн қаттиқ зәрбә болиду вә бу пай чекиңиз. Үчүн хушаллиқ болмайду" дәп қорқу салидиғанлиқини тәнқид қилған.

Рубиониң ейтишичә, болупму бу әһвал 2019-йили хюстон ракета командисиниң баш директори тивиттирда өзиниң хоңкоңни қоллап учур йоллиғандин кейин, америка васкетбол җәмийити NBA ниң буни әйиблиши вә хитайдики NBA мәстанилириниң наразилиқини қозғишидин кейин техиму әвҗ алған. Рубиониң ейтишичә, хитай америкаға қарши капитализмни ишлитип, американиң асаслиқ ширкәтлирини вә уларниң рәһбәрлирини хитайниң мәйданини қоллашқа салмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт