Kéngesh palata ezasi rubi'o xitayning amérika shirketliridin paydilinip xitaygha paydiliq siyaset kütüwatqanliqini bildürgen

Amérika kéngesh palata ezasi marku rubi'o xitayning ‍amérika shirketliridin paydilinip amérikining xitaygha paydiliq siyaset yürgüzüshini kütüwatqanliqini bildürgen. Uning tekitlishiche, nöwette shirketler özlirining xitaydiki tijaritini qolgha keltürüshke kapaletlik qilish üchün qandaq ish qilishqa razi ikenlikini ipadilimektiken. U, shirket mes'ullirining xitayning teleplirige boysunup, andin amérikagha qaytip kélip xitay hökümitige natoghra mu'amile qiliniwatqanliqini ilgiri sürüwatqanliqini bildürgen.

"Bir amérika xewerler tori" ning xewer qilishiche, marku rubi'o bu sözni 7-may küni amérikaning florida shtatidiki bir dangliq yerlik radiyo istansisining ziyaritini qobul qilghanda éytqan. U xelq'aradiki bezi shirketlerning her 3 ayda bir qétim bahalash élip bérip: "Eger xitay sizni ‍özining iqtisadidin tépip chiqarsa bu sizning kirimingiz üchün qattiq zerbe bolidu we bu pay chékingiz. Üchün xushalliq bolmaydu" dep qorqu salidighanliqini tenqid qilghan.

Rubi'oning éytishiche, bolupmu bu ehwal 2019-yili xyuston rakéta komandisining bash diréktori tiwittirda özining xongkongni qollap uchur yollighandin kéyin, amérika waskétbol jem'iyiti NBA ning buni eyiblishi we xitaydiki NBA mestanilirining naraziliqini qozghishidin kéyin téximu ewj alghan. Rubi'oning éytishiche, xitay amérikagha qarshi kapitalizmni ishlitip, amérikaning asasliq shirketlirini we ularning rehberlirini xitayning meydanini qollashqa salmaqtiken.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar