Marku rubiyo alma, nayik qatarliq shirketlerni béyjingning Uyghur jinayitige shérik bolush bilen eyibligen

Muxbirimiz erkin
2021-06-11
Share

Amérika kéngesh palata ezasi marku rubiyo ‍alma, nayik, amazon, koka kola qatarliq dangliq shirketlerning xitayning mejburiy emgikini ‍ishletkenlikini tenqidlep, bu shirketlerni "Béyjingning Uyghurlargha qarita sadir qilghan jinayetlirige ‍amérikaliqlarni shérik qilip qoydi", dep eyibligen. U, bu shirketlerning uzun waqittin buyan mejburiy emgekni ishlitip kelgenliki yaki ular mejburiy emgek ishletken yaki mejburiy emgekni ishletti, dep guman qilin'ghan teminligüchilerdin paydilinip kelgenlikini bildürgen.

Rubiyo yighinda yene mundaq dégen: "Kishini epsuslanduridighini, bu shirketler hemmimizni bu jinayetke shérik qilip qoyuwatidu. Shu seweblik kéngesh palatasi bizning Uyghur mejburiy emgikini cheklesh qanun layihisini téz maqullap, mejburiy emgekte yaki Uyghur mejburiy emgikide ishlepchiqirilghan mehsulatlarning bazirimizgha kirishining aldini élish bek muhim".

Marku rubiyo bu sözlerni kéngesh palatasi tashqi munasiwetler komitétining 10-iyun ‍ötküzülgen Uyghurlar heqqidiki birleshme guwahliq yighinida éytqan. Bu yighinda "Kommunizm qurbanliri xatire fondi" ning tetqiqatchisi adriyan zénz, kishilik hoquqni közitish teshkilati xitay bölümining diréktori sofiye richardson, Uyghur herikiti teshkilatining mes'uli roshen abbas guwahliq bergenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet