Марку рубийо америка палата әзалирини һәрикәт қоллинип, уйғур ирқий қирғинчилиқини тосушқа чақирди

Мухбиримиз әркин
2021-12-10
Share

Америка кеңәш палата әзаси марку рубийо 9-декабир “хәлқара кишилик һоқуқ күни” һарписида, америка дөләт мәҗлиси әзалирини уйғур ирқий қирғинчилиқи вә мәҗбури әмгикиниң алдини елиш үчүн һәқиқий һәрикәт қоллинишқа чақирған. “‍уйғур мәҗбури әмгикиниң алдини елиш қанун лайиһәси” ниң сунғучиси болған рубийо бу чақириқни бу қанун лайиһәси 8-декабир авам палатасида мутләқ көп аваз билән мақуллинип арқидинла елан қилған.

Марку рубийо твиттерда елан қилған баянатида: “ирқий қирғинчилиқниң зиянкәшликигә учриғучиларни хатириләш, уларниң иззәт-һөрмитини қилиш һәм бу җинатйәтниң алдини елиш күнидә, кеңәш палат әзаси рубийо қанун чиқарғучиларни һәқиқий һәрикәт қоллинип, шинҗаңдики ирқий қирғинчилиқ вә уйғур мәҗбурий әмгикиниң алдини елишқа чақириду,” дегән. Буниң бир күн алдида авам палатаси 428 авазниң қошулуши, бир авазниң қарши туруши билән “‍уйғур мәҗбури әмгикиниң алдини елиш қанун лайиһәси” ни мақуллиған иди.

Мәлум болушичә, мәзкур қанун лайиһәси қайтидин кеңәш палатасиға йоллинидикән. Бирақ кеңәш палатасиниң уни қачан қобул қилидиғанлиқи техи мәлум әмәс. Америка дөләтлик аммивий радийосиниң хәвәр қилишичә, ақсарай президент байденниң қанун лайиһәсини қоллайдиған яки қоллимайдиғанлиқини ейтмиған болсиму, әмма ‍униң “шинҗаң районидики мәҗбурий әмгәккә аит әндишиләргә ортақлишидиғанлиқи” ни билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт