Marku rubiyo amérika palata ezalirini heriket qollinip, Uyghur irqiy qirghinchiliqini tosushqa chaqirdi

Muxbirimiz erkin
2021-12-10
Share

Amérika kéngesh palata ezasi marku rubiyo 9-dékabir “Xelq'ara kishilik hoquq küni” harpisida, amérika dölet mejlisi ezalirini Uyghur irqiy qirghinchiliqi we mejburi emgikining aldini élish üchün heqiqiy heriket qollinishqa chaqirghan. “‍Uyghur mejburi emgikining aldini élish qanun layihesi” ning sun'ghuchisi bolghan rubiyo bu chaqiriqni bu qanun layihesi 8-dékabir awam palatasida mutleq köp awaz bilen maqullinip arqidinla élan qilghan.

Marku rubiyo twittérda élan qilghan bayanatida: “Irqiy qirghinchiliqning ziyankeshlikige uchrighuchilarni xatirilesh, ularning izzet-hörmitini qilish hem bu jinatyetning aldini élish künide, kéngesh palat ezasi rubiyo qanun chiqarghuchilarni heqiqiy heriket qollinip, shinjangdiki irqiy qirghinchiliq we Uyghur mejburiy emgikining aldini élishqa chaqiridu,” dégen. Buning bir kün aldida awam palatasi 428 awazning qoshulushi, bir awazning qarshi turushi bilen “‍Uyghur mejburi emgikining aldini élish qanun layihesi” ni maqullighan idi.

Melum bolushiche, mezkur qanun layihesi qaytidin kéngesh palatasigha yollinidiken. Biraq kéngesh palatasining uni qachan qobul qilidighanliqi téxi melum emes. Amérika döletlik ammiwiy radiyosining xewer qilishiche, aqsaray prézidént baydénning qanun layihesini qollaydighan yaki qollimaydighanliqini éytmighan bolsimu, emma ‍uning “Shinjang rayonidiki mejburiy emgekke a'it endishilerge ortaqlishidighanliqi” ni bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet