Sénator marko rubiyo Uyghurlargha ziyankeshlik qiliwatqan xitay shirketlirini jazalash heqqide yéngi bir qanun layihesi tonushturdi

Muxbirimiz irade
2022.12.15

Amérika kéngesh palata ezasi, yeni sénator marko rubiyo (Marco Rubio) we awam palata ezasi awghust pflugér (August Pfluger ) xitay hökümitining Uyghurlargha yürgüzüwatqan irqiy qirghinchiliqida biwasite rol alghan xitay shirketlirini jazalashqa munasiwetlik bir qanun layihesi tonushturdi.

15-Dékabir küni élan qilin'ghan bu qanun layihesige “Uyghur kishilik hoquqigha munasiwetlik jazalarni tekshürüsh qanuni” ( Uyghur Human Rights Sanctions Review Act ) dep nam bérilgen. Sénator marko rubiyoning ishxanisidin élan qilin'ghan bayanattin qarighanda, bu qanun layihesi arqiliq xitay hökümitining bashqurushida heriket qilidighan we Uyghur qirghinchiliqida rol alghan Hikvision, daxu'a, tyendi we BGI qatarliq xitay shérketlirige jaza tedbiri qoyghili bolidiken.

Bayanatta mundaq déyilgen:

“Xitay kompartiyesi bashqurushidiki pen-téxnika shirketliri shinjang Uyghur aptonom rayonidiki Uyghurlar we bashqa musulman milletlerge qaritilghan irqiy qirghinchiliqni téxnika bilen teminlidi. Biz bu qanun arqiliq amérika maliye minsitirliqining derhal bu shirketlerge jaza tedbiri chiqirishini telep qilimiz.”

Sénator marko rubiyo bayanattiki sözide, “Amérika baydin hökümitini Uyghur irqiy qirghinchiliqigha qatnashqan shirketlerge derhal tedbir qollinish” qa chaqirghan. Awam palata ezasi awghust pflugér bolsa sözide “Xitay kompartiyesining her türlük basturushlirigha yardem qiliwatqan bundaq téxnika shirketlirining jazasiz qalmasliqi kéreklikini” eskertken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.