Mayk pens xitayni kishilik hoquq depsendichiliki boyiche jazalash heqqide signal bermekte

Muxbirimiz sada
2019-08-07
Élxet
Pikir
Share
Print

Amérikaning mu'awin prézidénti mayk pens 5-awghust küni amérikadiki Uyghurlar, démokrat xitay wekilliri, xristi'an we falun'gung muritliri wekillirini aq saraygha teklip qilip, ular bilen söhbette bolghan idi. Söhbet jeryanida u tramp hökümitining Uyghurlar mesiliside biwasite mes'uliyiti bolghan xitay emeldarlirini "Yer shari magnétiskiy qanuni" boyiche jazalaydighanliqidin shepe bergen.

Amérikadiki xewer we uchur tor békiti bolghan aksiyos(Axios) torining 6-awghusttiki munasiwetlik xewiride "Xitaygha yardem" teshkilatining wekili bop funing bu heqte bergen melumatliri asasiy salmaqni igiligen. Uning bildürüshiche, mayk pens 5-awghust küni uninggha bu yil küz aylirida xitayni asasiy téma qilghan ikkinchi qétimliq nutqini sözleydighanliqini, bu arqiliq xitaydiki diniy erkinlik mesililirige jawab béridighanliqini éytqan.

Xewerde déyilishiche, bob fu mayk pens bilen körüshkende uninggha Uyghur diyaridiki tutup turush lagérigha chétishliq emeldarlardin chén chüen'goni öz ichige alghan toqquz neper xitay emeldarining tizimlikini bérip, ulargha jaza qollinishni telep qilghan. Mayk pens bu heqte keskin ipade bildürmigen bolsimu, emma özining bu mesilini yéqindin közitidighanliqini bildürgen.

5-Awghusttiki uchrishishqa amérikadiki Uyghur kishilik hoquq qurulushining diréktori ömer qanat ependimu alahide teklip qilin'ghan. Bu jeryanda u mayk penske Uyghurlarning amérika hökümitidin xitayning Uyghur élidiki lagérlirigha qarshi konkrét tedbir élishini jiddiy ümid qiliwatqanliqini éytqan. Mayk pensmu jawaben özining Uyghurlarning weziyitini yéqindin közitiwatqanliqi, tramp hökümitining dini erkinlik mesilisige jiddiy köngül bölgen bir hökümet bolush süpiti bilen xitaydiki Uyghur qatarliq milletler uchrawatqan bu mu'amilige nisbeten qandaq tedbir élish mesiliside dawamliq izdinidighanliqini ipade qilghan.

Toluq bet