Хитай һөкүмитиниң штат сиртида мәһәллә комитети хизмәтчиси қобул қилиши диққәт қозғиди
2019.02.04
Йеқинда һәрқайси җайлардики һөкүмәт тор бәтлиридә штат сиртида мәһәллә комитети хизмәтчиси қобул қилиш һәққидики еланлар көпләп елан қилиниватқан болуп, анализчилар буни “техиму зор бир шумлуқтин дерәк бериду”, дәп қаримақта.
Мәлум болушичә, қумул шәһәрлик һөкүмәт шәһәрлик сиясий-қанун комитетиниң тармиқида штат сиртида 17 хизмәтчи қобул қилидиғанлиқи һәққидә елан берилгән. Барикөл наһийәлик һөкүмәтниң торида болса мәһәллә комитетиниң хизмити үчүн штат сиртида хизмәтчи қобул қилидиғанлиқини елан қилған. Бу еланларниң һәммисидила илтимас қилғучиларниң “вәтәнниң бирликини сөйидиған, миллий бөлгүнчиликкә вә қанунсиз диний паалийәткә қарши туридиған” болуши шәрт қилинған. Шуниңдәк илтимас қилғучиларниң еғизчә вә язма имтиһанларға қатнишидиғанлиқи, бу имтиһанларниң “дөләт тили” да болидиғанлиқи алаһидә әскәртилгән.
Хитай ахбаратлиридин мәлум болушичә, һазир һәрқайси җайлардики “тәрбийәләш” хизмити җиддий кеңийиватқан болуп, бу хил “тәрбийәләш” нуқтилириға баридиған кишиләрни алди билән һәрқайси җайлардики аһалиләр комитети бекитип чиқидикән. Андин сиясий-қанун комитетиниң қармиқидики орунлар “тәрбийәләп өзгәртиш” ни иҗра қилидикән.
Анализчилар бу һәқтә пикир қилип “бу нөвәттики лагерларниң җиддий зорийиватқанлиқини биваситә әкс әттүридиған йәнә бир әһвал,” деди.
Көп көрүлгән хәвәрләр
RFA
- Йүннән тоңхәй сақчи хадими: “мәсчит вәқәсигә четишлиқ кишиләр өзини мәлум қилса кәңчиликкә еришиду”
- Долқун әйса билән хитай баш әлчиси оттурисидики кәскин тартишма биразилийә мәтбуатлиридин орун алған
- Фирансийә парламентида “уйғур мәҗбурий әмгикигә четишлиқ мәһсулатларни чәкләш қарар лайиһәси” мақуллуқтин өтти
- Нури түркәл: “бу ирқий қирғинчилиқни тохтитиш американиң иқтисади вә хәвпсизликини қоғдаш үчүнму муһим”
- Американиң йеңи қанун лайиһәси уйғур ирқий қирғинчилиқини ениқлашта америка истихбарат органлирини вәзипиләндүрүшни тәләп қилған