Wilson merkizi sowét ittipaqining 1934-yili général mehmut muhiti heqqide chiqarghan bir mexpiy höjjitini ashkarilighan

Muxbirimiz qutlan
2016-11-06
Élxet
Pikir
Share
Print

Sabiq sowét ittipaqi kompartiyesi siyasiy byurosi 1930-yillarda Uyghur élining siyasiy teqdirige munasiwetlik bir yürüsh mexpiy qararlarni chiqarghan bolup, öz dewride "Mutleq mexpiy" dep hésablan'ghan bu höjjetlerning bir qismi yéqinda wilson merkizi teripidin ashkarilan'ghan.

Mezkur mexpiy höjjetler ichide sowét ittipaqi kompartiyesi siyasiy byurosining 1934-yili 4-april küni général mehmut muhiti üstidin chiqarghan bir parche mexpiy höjjiti alahide diqqet qozghaydu.

Mezkur höjjettin melum bolushiche, sowét ittipaqi terep shéng shiseyge buyruq chüshürüp général mehmut muhitining öz eskerlirini bashlap qeshqerge bérip orunlishishini hemde ürümchi hökümitining uninggha düshmenlik pozitsiyeside bolmaydighanliqini chüshendürüp qayil qilishini telep qilghan.

Höjjette yene général mehmut muhiti nawada ürümchi hökümitige qarshi herbiy heriket qozghash niyitide bolup qalsa, rus généralliridin frinowiskiy bilen uritskiyning général mehmut muhiti qomandanliqidiki milliy eskerler 6-diwiziyesige qayturma hujum qozghap, ularni üzil-késil tarmar qilish heqqide aldin'ala herbiy pilan tüzüp qoyishi telep qilin'ghan.

Tarix tetqiqatchiliri bilen siyasiy analizchilar, sowét ittipaqining bu mexpiy höjjiti général mehmut muhiti qomandanliqidiki milliy eskerler 6-diwiziyesining 1930-yillarda qeshqerde élip barghan herbiy heriketlirini tetqiq qilishta muhim qimmetke ige, dep qarimaqtiken.

Toluq bet