Rehime mehmut en'gliyeni Uyghur mejburiy emgiki mehsulatlirini chekleshning qanuniy tedbirlirini kücheytishke chaqirdi

“Uyghur irqiy qirghinchiliqini toxtitish birleshmisi” ning mes'uli, d u q ning en'gliyede turushluq wekili rehime mehmut en'gliye parlaméntining kishilik hoquq birleshme komitétida guwahliq bérip, en'gliyede uyghu mejbur emgiki mehsulatlirini chekleshning qanuniy tedbirlirini kücheytishni telep qilghan.

Rehime mehmutning guwahliq yighinida tekitlishiche, nöwette Uyghur élide yaki sherqiy türkistanda, “Ishlepchiqirishning asasen barliq sahesining qullar emgiki bilen bulghan'ghanliqigha da'ir taghdek deliller bar” iken. Rehime mehmut ötken hepte ötküzülgen mezkur guwahliq yighinida mundaq dédi: “Xitay hökümitining nurghun sana'et we paxta mehsulatlirini ishlepchiqirishta mejburiy emgekni ishlitiwatqanliqi, bolupmu paxta toqulmichiliq sahesidiki mejburiy emgekke a'it taghdek deliller dunya Uyghur qurultiyining qanuni erz sunushigha yol achti.”

Dunya Uyghur qurultiyi ilgiri londondiki bir sot mehkimisige erz sunup, “Shinjang paxta” mehsulatlirining en'gliye bazirigha kirishini tekshürüshni telep qilghan. En'gliye aliy soti ötken yili 11-ayda chiqarghan qararida, töwen sotning burun chiqarghan qararini aghdurup, en'gliye hökümitining “Shinjang paxta” mehsulatlirini tekshürüsh wezipisi barliqini élan qilghanidi.

Rehime mehmutning komitét ezalirigha bildürüshiche, en'gliye aliy sotining qarari “Pewqul'adde muhim” bolup, ular buni qoral qilish arqiliq, en'gliyening mejburiy emgek qanunini özgertishige heydekchilik qilishni közlimektiken. U: “Mejburiy emgek mehsulatlirining en'gliyege hazirqidek erkin kirip-chiqishigha yol qoyushqa bolmaydu” dep körsetken. Uning qeyt qilishiche, bolupmu amérika “Uyghur mejburiy emgikining aldini élish qanuni” maqullighandin kéyin, mejburiy emgek mehsulatlirigha qarshi keskin emeliy heriketlerni qollan'ghan. U, en'gliyeningmu amérikagha oxshash bir qanun chiqirishi, uning Uyghur mejburiy emgek mehsulatlirini chekleshtiki “Ünümlük qoral bolidighanliqigha ishinidighanliqi” ni éytqan.

En'gliye parlaménti kishilik hoquq komitétining bu qétimliq guwahliq yighinida yene b b s ning höjjetlik filim ishligüchisi maykél rudén, nottingxam uniwérsitéti kishilik hoquqlar tetqiqat ornining( laboratoriyesining) mu'awin diréktori, piroféssor aléksandir trotirims guwahliq bergen.