Xelq'ara emgekchiler komitéti Uyghur we tibetlerning ‛keng kölemde‚ mejburiy emgekke sélin'ghanliqini ashkarilidi

Xelq'ara emgekchiler komitéti mutexessislirining yéngi élan qilghan bösüsh xaraktérlik doklatida, Uyghur éli we tibettiki sana'et we déhqanchiliqning nurghun sahelirige tesir körsetken déhqanlarning yerlirini igiliwélish we keng kölemde mejburiy emgekke sélishning mewjutluqi bayan qilin'ghan.

Amérikadiki “Kommunizm qurbanliri xatire fondi” ning aliy tetqiqatchisi adriyan zénz(Adrian Zenz) x te xelq'ara emgekchiler komitéti élan qilghan bu doklatqa baha bérip mundaq dégen: “Bu doklat uqum jehettin intayin toghra bolup, shinjangning yéqinqi ishsizliq ehwaligha qarita közitish élip barghan we tutup turush, yeni lagérlar sistémisini öz ichige alghan eng yéngi mejburiy emgek tereqqiyat ehwalini eks ettürgen”.

Doktor adriyan zénz (Adrian Zenz) we ilin lin (I-Lin Lin) mu yéqinda “Shinjangning yéza igilik ishlepchiqirishida mejburiy emgek, yer tartiwélip ishlitish we mejburiy assimilyatsiye qilish” namliq bösüsh xaraktérlik tetqiqat doklatini élan qilghanidi. Doklatta xitayning Uyghur élidiki déhqanchiliq saheside, bolupmu pemidur, qizilmuch, sebdergül we tebi'iy tétitqu (stevia) qatarliq mehsulatlarni ishlepchiqirishta mejburiy emgekning keng kölemde ishlitilgenlikini shundaqla asasliq xitay shirketlirining yer ishlitish hoquqini Uyghur déhqanliridin mejburiy éliwalghanliqini ashkarilighanidi.