Uyghur mejburiy emgikini axirlashturush birleshmisi: “Uyghur rayonida tijariti bar chet'el shirketliri u rayondin ayrilishi kérek”

Washin'gtondin muxbirimiz uyghar teyyarlidi
2024.03.06

“Uyghur mejburiy emgikini axirlashturush birleshmisi” yéqinda élan qilghan bir xewerge asaslan'ghanda, mezkur birleshme Uyghur élide tijariti bar chet'el shirketliri we karxanilarni Uyghur rayonidin chékinishke, xitay döliti qollawatqan mejburiy emgek we insaniyetke qarshi jinayetke shérik bolushni tügitishke chaqirghan.

Xewerde mundaq déyilgen: “B d t kishilik hoquq mutexessislirining bayanatigha qarighanda, xitay hökümitining Uyghur we bashqa türki xelqlerni basturushliri keng kölemde adem tutush we ularni türkümlep mejburiy emgekke sélishni öz ichige alidu. Uyghur élide tijariti bar chet'el shirketliri we karxanilarning Uyghur rayonidin chékinishi Uyghur mejburiy emgikige körünerlik zerbe béridu we hélihem yüz bériwatqan insaniyetke qarshi jinayetlerni axirlashturushta muhim rol oynaydu”.

Kishilik hoquqni közitish teshkilatining tekshürüshige qarighanda, chet'elning xitay bilen shérikleshken shirket we karxaniliri dunyaning bashqa jayliridiki tijaritige qarighanda kishilik hoquq ölchimige bek ri'aye qilip ketmigen.

Xewerde éytilishiche, amérika bashchiliqidiki gherb dunyasi bilen xitay otturisidiki sürkilishning küchiyishige egiship, Uyghur mejburiy emgikining barghanséri jiddiy mesilige aylan'ghanliqi, shuning bilen bir waqitta uning chétilish da'irisining bekmu keng ikenliki melum bolmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.