Хитай һөкүмити уйғур ‍елида мәҗбурий әмгәкни оттура-башланғуч мәктәпләргә кеңәйтмәкчи икән

Мухбиримиз әркин
2021.05.03

Хәлқарада уйғурларни мәҗбурий әмгәккә селиш билән әйиблинип кәлгән хитай һөкүмити мәҗбури әмгәкни уйғур елидики алий вә оттура-башланғуч мәктәп оқуғучилириғиму кеңәйтишни қарар қилған. Йәрлик даириләр бу йил 3-айда җайлардики алий вә оттура-башланғуч мәктәпләргә уқтуруш чүшүрүп, оқуғучиларни “әмгәк билән тәрбийәләшни күчәйтиш” ни тәләп қилған иди. “тәңритағ” ториниң 3-май ашкарлишичә, даириләр “аптоном районниң йеңи дәврдики алий вә оттура-башланғуч мәктәпләрдә әмгәк тәрбийәсини омумиййүзлүк күчәйтишни әмәлийләштүрүш тоғрисидики пикир” намлиқ һөҗҗитини елан қилған.

Хитайниң хәлқарада уйғурларни қул әмгикигә селиш билән әйиблиниватқан бир пәйттә, йәнә райондики мәктәп оқуғучилириға “әмгәк тәрбийәси” елип беришни қарар қилишиниң сәвәби мәлум әмәс. Бу бәзи көзәткүчиләрдә даириләр оқуғучиларни “әмгәк тәрбийәси” намида “пахта үзүшкә саламду” дегән гуман пәйда қилған. Чүнки хитайниң “шинҗаң пахтиси” мәҗбурий әмгәккә четишлиқ болғанлиқи үчүн хәлқара даңлиқ ширкәтләрниң имбаргосиға учрап, райондики хитай тоқумучилиқ карханилирини қийин әһвалға чүшүрүп қойған иди.

“тәңритағ” торниң хәвиридә ийтилишичә, уйғур аптоном районниң “әмгәк тәрбийәсини омумиййүзлиүк күчәйтиш тоғрисидики пикир” дә “аилә, мәктәп вә җәмийәтниң һәр қайсий тәрәплирини бирләштүрүп…хитайға хас әмгәк маарипи бәрпа қилиш үстидә издиниш, заманивий маарипниң тәлипигә уйғун әмгәк маарип системиси қуруп чиқиш” тәләп қилинған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.