Мәҗбурий әмгәк мәһсулатлири пахтидин електронлуқ мәһсулатларға кеңәйгән

2021-06-16
Share

Хитайниң уйғурларниң қан-тәрини сүмүрүши давамлишиватқан болуп, мәҗбурий әмгәк мәһсулатлири әмди пахта вә тоқумичилиқ мәһсулатлиридин електронлуқ мәһсулатларға кеңәйгән.

"японийә хәвәрлири" ториниң хәвәр қилишичә, хитайниң гуаңҗу шәһиридики алма телефони запчаслири ясайдиған Ofilm ширкитиниң завути уйғурларни мәҗбурий әмгәккә салғанлиқи билән әйибләнгәндин кейин базири касатлишип, җяңшидики Wingthech ширкитигә 2. 4 Милярд йүәнгә сетилған.

Хәвәрдә ейтилишичә, Ofilm ширкити 2002-йил қурулған болуп, әқли иқтидарлиқ янфонларниң сәзгүр екран тахтисини ясаш техникиси билән тәрәққий қилған, 2017-йил сони ширкитиниң бир завутини сетивалған, кейин алма ширкитиниң асаслиқ мал тәминлгүчисигә айланған. Әмма америка өткән йил 7-айда бу ширкәтни мәҗбурий әмгәккә четишлиқ дәп җазалап, чәклимә қойғандин кейин әһвали яманлашқан. Завутта илгири 4000 адәм ишләйдиған болуп, һазир ишләпчиқириштин асасән тохтап қалған. Чүнки бу завут уйғурларни мәҗбурий әмгәккә салғанлиқи үчүн алма ширкити билән алақиси үзүлгән, андин сетилишқа мәҗбур болған.

Ofilm Ширкити хитайниң тунҗи болуп уйғурларни мәҗбурий әмгәккә селиш мәсилиси түпәйлидин вәйран болған чоң типтики електронлуқ ширкити һесабилинидикән. "америка пән-техника учурлири" ториниң мәлуматиға қариғанда, хитайда алма ширкитигә мал тәминлигүчи ширкәтләр ичидә йәнә 7 ширкәт мәҗбурий әмгәк мәсилисигә четишлиқ дәп көрситилгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт