Mejburiy emgek mehsulatliri paxtidin éléktronluq mehsulatlargha kéngeygen

2021-06-16
Share

Xitayning Uyghurlarning qan-terini sümürüshi dawamlishiwatqan bolup, mejburiy emgek mehsulatliri emdi paxta we toqumichiliq mehsulatliridin éléktronluq mehsulatlargha kéngeygen.

"Yaponiye xewerliri" torining xewer qilishiche, xitayning gu'angju shehiridiki alma téléfoni zapchasliri yasaydighan Ofilm shirkitining zawuti Uyghurlarni mejburiy emgekke salghanliqi bilen eyiblen'gendin kéyin baziri kasatliship, jyangshidiki Wingthech shirkitige 2. 4 Milyard yüen'ge sétilghan.

Xewerde éytilishiche, Ofilm shirkiti 2002-yil qurulghan bolup, eqli iqtidarliq yanfonlarning sezgür ékran taxtisini yasash téxnikisi bilen tereqqiy qilghan, 2017-yil soni shirkitining bir zawutini sétiwalghan, kéyin alma shirkitining asasliq mal teminlgüchisige aylan'ghan. Emma amérika ötken yil 7-ayda bu shirketni mejburiy emgekke chétishliq dep jazalap, cheklime qoyghandin kéyin ehwali yamanlashqan. Zawutta ilgiri 4000 adem ishleydighan bolup, hazir ishlepchiqirishtin asasen toxtap qalghan. Chünki bu zawut Uyghurlarni mejburiy emgekke salghanliqi üchün alma shirkiti bilen alaqisi üzülgen, andin sétilishqa mejbur bolghan.

Ofilm Shirkiti xitayning tunji bolup Uyghurlarni mejburiy emgekke sélish mesilisi tüpeylidin weyran bolghan chong tiptiki éléktronluq shirkiti hésabilinidiken. "Amérika pen-téxnika uchurliri" torining melumatigha qarighanda, xitayda alma shirkitige mal teminligüchi shirketler ichide yene 7 shirket mejburiy emgek mesilisige chétishliq dep körsitilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet