Uyghurlarning mejburiy emgikige chétishliq bolghan yaponiye shirketliri bésimgha duch kelgen

Muxbirimiz irade
2020-09-03
Share

Yaponiyediki kishilik hoquq organliri Uyghurlarning mejburiy emgikige chétishliq yapon shirketlirige qaratqan bésimini kücheytken.

Yaponiye ammiwi taratqusi "NHK" ning xewer qilishiche, hazir nurghun xelq'araliq organlar Uyghur élide yolgha qoyuluwatqan mejburiy emgek heqqide küchlük ispatlarni otturigha qoyghandin kéyin, xelq'araliq shirketler bu mesilide öz meydanini ipadileshke mejbur bolghan.

Awstraliyediki "ASPI" namliq tetqiqat orgini Uyghurlarning mejburiy emgikige chétishliq dep körsetken xelq'araliq shérketler ichide yaponiyege tewe 11 shirket bar bolup, yaponiyediki kishilik hoquq organliri bu shirketlerge bésim ishletken.

Xewerde éytilishiche, yaponiyediki "Nöwette kishilik hoquq" (Human Rights Now) namliq organ muxbirlarni kütüwélish yighini uyushturush we shundaqla yaponiye Uyghur jem'iyiti bilen birlikte xet ewetish qatarliq usullar arqiliq yuqiriqi bu 11 shirketni mejburiy emgek mesiliside izahat bérishke chaqirghan. Ular yaponiye shirketlirining mejburiy emgek mesilisige jiddiy mu'amile qilmaywatqanliqini tenqid qilip: "Bu yüz bériwatqan kishilik hoquq depsendichilikining intayin éghirliqini nezerde tutqanda qobul qilishqa bolmaydighan ehwal," dep körsetken.

Shunga bu organ hazir yaponiye shirketlirining barliq teminlesh zenjirliri üstidin tekshürüsh élip bérishni telep qilghandin bashqa yene, yaponiye hökümitini herqaysi shirketlerni kishilik hoquq mesililirige munasiwetlik eyibleshlerge jawab bérishke mejburlaydighan bir qanun békitip chiqishqa chaqirghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet