Уйғур дияридин кәлгән техиму көп маллар америка таможнисида тутуп қелинмақта

Мухбиримиз әзиз
2021-09-06
Share

Америка һөкүмити ‍уйғурлар дуч келиватқан сиясий бастуруш һәркәтлирини "ирқий қирғинчилиқ" дәп елан қилғандин кейин буниңға мас һалда иҗра қилишқа киришкән тәдбирләрниң бири уйғур дияридики мәҗбурий әмгәккә четишлиқ мәһсулатларниң америка базириға киришини чәкләш болуп кәлмәктә.

Йеқинқи мәзгилләрдә америка таможна вә чегра мудапийә идариси хитайдин екиспорт қилинған зор түркүмдики товарларни "уйғурларни мәҗбурий әмгәккә селишқа четишлиқ мәһсулатлар" дәп мусадирә қилған иди. Өткән айда улар тәнһәркәт айиқи вә әрәнчә кйимләрни өз ичигә алған йәнә бир түркүм хитай товарлирини мусадирә қилған. Қизиқарлиқ йери хитай екиспорт қилған бу товарларға "вийетнамда ишләнгән" дегән хәтләр бесилған икән.

Хәвәрдә ейтилиишичә, америка һөкүмити өткән бирнәччә йилдин буян қаттиқ иҗра қилишқа киришкән "мәҗбурий әмгәк мәһсулатлирини тәкшүрүш вә мәний қилиш" хизмити дуня миқясида зор үнүмләргә еришкән. Болупму уйғур дияридики кевәзликкә бағланған ғайәт зор мәҗбурий әмгәк түпәйлидин америка һөкүмитиниң бу җәһәттики хизмәтлири техиму көп мәһсулатларға кеңәйгән. "әмгәкчиләрниң һәқ-һоқуқлири бирләшмиси" ниң рәиси скот нова бу һәқтә сөз қилип: "бу хил тәдбирләр дуняниң һәрқайси җайлиридики ишләпчиқириш системисини бу хил қанунсиз қилмишларға тездин хатимә беришкә қистайду" дегән.

Мәлум болушичә, америка таможна вә чегра мудапиә идарисиниң бу хил мәҗбурий әмгәк мәһсулатлирини тәкшүрүш хизмити йеқинқи мәзгилләрдин буян барғансери зор көләм еливатқан болуп, "америка таможниси мәҗбурий әмгәк мәһсулатлириға җәннәт болалмайду," дегән учурни йоллимақта икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт