Uyghur diyaridin kelgen téximu köp mallar amérika tamozhnisida tutup qélinmaqta

Muxbirimiz eziz
2021-09-06
Share

Amérika hökümiti ‍uyghurlar duch kéliwatqan siyasiy basturush herketlirini "Irqiy qirghinchiliq" dep élan qilghandin kéyin buninggha mas halda ijra qilishqa kirishken tedbirlerning biri Uyghur diyaridiki mejburiy emgekke chétishliq mehsulatlarning amérika bazirigha kirishini cheklesh bolup kelmekte.

Yéqinqi mezgillerde amérika tamozhna we chégra mudapiye idarisi xitaydin ékisport qilin'ghan zor türkümdiki towarlarni "Uyghurlarni mejburiy emgekke sélishqa chétishliq mehsulatlar" dep musadire qilghan idi. Ötken ayda ular tenherket ayiqi we erenche kyimlerni öz ichige alghan yene bir türküm xitay towarlirini musadire qilghan. Qiziqarliq yéri xitay ékisport qilghan bu towarlargha "Wiyétnamda ishlen'gen" dégen xetler bésilghan iken.

Xewerde éytili'ishiche, amérika hökümiti ötken birnechche yildin buyan qattiq ijra qilishqa kirishken "Mejburiy emgek mehsulatlirini tekshürüsh we men'iy qilish" xizmiti dunya miqyasida zor ünümlerge érishken. Bolupmu Uyghur diyaridiki kéwezlikke baghlan'ghan ghayet zor mejburiy emgek tüpeylidin amérika hökümitining bu jehettiki xizmetliri téximu köp mehsulatlargha kéngeygen. "Emgekchilerning heq-hoquqliri birleshmisi" ning re'isi skot nowa bu heqte söz qilip: "Bu xil tedbirler dunyaning herqaysi jayliridiki ishlepchiqirish sistémisini bu xil qanunsiz qilmishlargha tézdin xatime bérishke qistaydu" dégen.

Melum bolushiche, amérika tamozhna we chégra mudapi'e idarisining bu xil mejburiy emgek mehsulatlirini tekshürüsh xizmiti yéqinqi mezgillerdin buyan barghanséri zor kölem éliwatqan bolup, "Amérika tamozhnisi mejburiy emgek mehsulatlirigha jennet bolalmaydu," dégen uchurni yollimaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet