Америка ташқи ишлар министирлиқи хитайниң уйғурларни мәҗбури әмгәккә селишни тохтитишни тәләп қилди

Мухбиримиз нуриман
2020-09-07
Елхәт
Пикир
Share
Принт

Америка ташқи ишлар министирлиқиниң баянатчиси морган ортагус ханим американиң әмгәкчиләр байрими күнидә мәхсус баянат елан қилип, хитай һөкүмитиниң уйғур районидики уйғур вә башқа түркий милләтләрни мәҗбурий қул әмгикигә селишни тохтитишқа чақирди.

У баянатида америка пуқралириниң әмгәкчиләр байримини тәбрикләш билән бир вақитта йәнә мундақ деди: «һечким өзи халимиған әһвал астида ишләшкә мәҗбурланмаслиқи керәк. Хитай компартийәси райондики уйғурларни асас қилған диний вә етник топлуқларни тутқун қилип, уларни ‹тәрбийәләш' баһанисида хизмәт шараити интайин начар җайларда мәҗбури әмгәккә салмақта. Биз хитай компартийәсини мәҗбурий әмгәкни дәрһал тохтитишқа чақиримиз.»

Әмгәкчиләр байрими америка федерал һөкүмити тәрипидин бекитилгән дөләтлик байрам болуп, һәр йили сентәбирниң биринчи дүшәнбә күни өткүзүлиду. Бу байрам американиң әмгәкчиләр һәрикитини хатириләш вә әмгәкчиләрниң американиң тәрәққияти вә мувәппәқийәтлиригә қошқан төһписигә һөрмәт билдүрүш йүзисидин тәбриклиниду.

Пикирләр (0)
Share
Толуқ бәт