Amérika tashqi ishlar ministirliqi xitayning Uyghurlarni mejburi emgekke sélishni toxtitishni telep qildi

Muxbirimiz nur'iman
2020-09-07
Élxet
Pikir
Share
Print

Amérika tashqi ishlar ministirliqining bayanatchisi morgan ortagus xanim amérikaning emgekchiler bayrimi künide mexsus bayanat élan qilip, xitay hökümitining Uyghur rayonidiki Uyghur we bashqa türkiy milletlerni mejburiy qul emgikige sélishni toxtitishqa chaqirdi.

U bayanatida amérika puqralirining emgekchiler bayrimini tebriklesh bilen bir waqitta yene mundaq dédi: "Héchkim özi xalimighan ehwal astida ishleshke mejburlanmasliqi kérek. Xitay kompartiyesi rayondiki Uyghurlarni asas qilghan diniy we étnik topluqlarni tutqun qilip, ularni 'terbiyelesh' bahanisida xizmet shara'iti intayin nachar jaylarda mejburi emgekke salmaqta. Biz xitay kompartiyesini mejburiy emgekni derhal toxtitishqa chaqirimiz."

Emgekchiler bayrimi amérika fédéral hökümiti teripidin békitilgen döletlik bayram bolup, her yili séntebirning birinchi düshenbe küni ötküzülidu. Bu bayram amérikaning emgekchiler herikitini xatirilesh we emgekchilerning amérikaning tereqqiyati we muweppeqiyetlirige qoshqan töhpisige hörmet bildürüsh yüzisidin tebriklinidu.

Toluq bet