Уйғур елидики мәҗурий әмгәкниң мәркизи дәп қаралған алтә орун, хитайниң "үлгилик санаәт бағчиси" болуп баһаланған

Мухбиримиз әркин
2021-09-08
Share

Хитай да‍ирилири кишилик һоқуқ тәшкилатлири тәрипидин "мәҗурий әмгәк базиси" дәп әйиблинип келиватқан бәзи орунларни "2021-йиллиқ шинҗаң рәқәмлик иқтисад үлгилик бағчиси" дәп баһалиған. Бу тизимликкә уйғур елидики мәҗбурий әмгәккә четишлиқ ақсу тоқумичилиқ санаити бағчисини өз ичигә алған алтә орун киргүзүлгән.

"шинҗаң гезити" ниң 7-сентәбир ашкарлишичә, бу алтә "үлгилик иқтисад бағчиси" үрүмчи юқури вә йеңи техникалиқ тәрәққият райони, шинҗаң юмшақ детал бағчиси райони, ғулҗа чегра иқтисад һәмкарлиқ райони, қарамай булут һесаблаш кәспий бағчиси вә ақсу тоқумичилиқ санаәт бағчиси қатарлиқларни өз ичигә алидикән.

Тизимликтики "ақсу тоқумичилиқ санаити бағчиси" хитайниң уйғур елидики асаслиқ мәҗбурий әмгәк базилириниң бири, дәп қарилип кәлгән. Шу сәвәблик америка һөкүмити өткән йили бу "санаәт бағчиси" ға җайлашқан "хуафу тоқумичилиқ ширкити" ниң мәһсулатлирини чәклигән. ‍Өткән йили ‍учтурпанлиқ уйғур яш мирадил һәсән "ақсу тоқумичилиқ санаәт бағчиси" да лагердин елип келингән 20 миң уйғурниң мәҗбурий әмгәккә селинидиғанлиқини ашкарлиған. Радийомиз кейинрәк мирадил һәсәнниң бәргән учурлириниң тоғра икәнликини дәлиллигән иди.

"шинҗаң гезити" ниң ашкарлишичә, нөвәттә "ақсу тоқумичилиқ санаәт бағчиси" да руйхәткә алдурған 546 кархана бар икән. Буниң ичидә көләмдин юқури кархана 42 болуп, уларниң йиллиқ ишләпчиқириш қиммити 10 милярд йүәндин ашқан. Бу санаәт бағчиси уйғур елиниң мәҗбурий әмгәк мәркәзләшкән тоқумичилиқ, кийим-кечәк кәспидики "үч шәһәрчә, йәттә бағчә, бир мәркәз" бойичә уйғур елиниң җәнубидики тунҗи шәһәрчигә айланған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт